Keralam
നവജാത ശിശുവിനെ ഉറക്കത്തില് മരിച്ച നിലയില് കണ്ടെത്തി
തൃശ്ശൂർ : നവജാത ശിശുവിനെ ഉറക്കത്തില് മരിച്ച നിലയില് കണ്ടെത്തി. തൃശ്ശൂർ വെള്ളറക്കാട് തറമേൽഞാലിൽ സുധീഷ്-മനുരാധ ദമ്പതികളുടെ 18 ദിവസം പ്രായമുള്ള മകളാണ് മരിച്ചത്. ഇന്ന് പുലർച്ചെ നാല് മണിയോടെ കുഞ്ഞിനെ തൊട്ടിലിൽ മരിച്ച നിലയിൽ കണ്ടെത്തുകയായിരുന്നു. പാൽ തൊണ്ടയിൽ കുരുങ്ങിയതാകാം മരണകാരണമെന്നാണ് പ്രാഥമിക നിഗമനം. കഴിഞ്ഞ വെള്ളിയാഴ്ചയാണ് കുഞ്ഞിൻ്റെ പിതാവ് സുധീഷ് വാഹനാപകടത്തിൽ മരണപ്പെട്ടത്.