പ്രവർത്തന സ്വാത്രന്ത്യം ഇല്ല : അഖിൽ മാരാർ ട്വന്റി 20 പാർട്ടിവിട്ടു

എറണാകുളം : പ്രവർത്തന സ്വാതന്ത്ര്യം നൽകുന്നില്ലാ എന്ന ആരോപണം ഉന്നയിച്ചുകൊണ്ട്  അഖിൽ മാരാർ ട്വന്റി 20 പാര്‍ട്ടി വിട്ടു.  പാർട്ടി അധ്യക്ഷൻ സാബു എം ജേക്കബിനെതിരെ രൂക്ഷ വിമര്‍ശനം ഉന്നയിച്ച് കൊണ്ടാണ് അഖിൽ മാരാരിന്‍റെ പടിയിറക്കം. തെരഞ്ഞെടുപ്പിന് ശേഷം സാബു എം ജേക്കബ് ഫോൺ വിളിച്ചാൽ പോലും എടുക്കുന്നില്ലെന്നാണ് ആക്ഷേപം. കൊട്ടാരക്കര സീറ്റ്‌ ഉറപ്പ് നൽകിയാണ് തന്നെ ട്വന്റി 20 യിൽ എത്തിച്ചത്. പിന്നീട് തൃപ്പൂണിത്തുറ തരാമെന്ന് പറഞ്ഞ് വഞ്ചിച്ചു. ട്വന്റി 20 സാബുവിനെ വ്യക്തിപരമായ നേട്ടത്തിന് വേണ്ടി മാത്രമുള്ള പാർട്ടിയാണെന്നും അഖിൽ മാരാർ ആരോപിച്ചു.