ആണവോര്ജ കേന്ദ്രങ്ങളിലേക്കുള്ള ഇസ്രയേല് ആക്രമണo: അപലപിച്ച് ഇറാന്
ടെഹ്റാന്: ഇറാനിയൻ ആണവ കേന്ദ്രങ്ങൾക്കും സ്റ്റീൽ പ്ലാന്റുകൾക്കും നേരെയുള്ള ഇസ്രയേൽ ആക്രമണങ്ങളില് അപലപിച്ച് വിദേശകാര്യ മന്ത്രി അബ്ബാസ് അരാഗ്ചി. ഇറാനിലെ രണ്ട് സ്റ്റീല് ഫാക്ടറികള്, ഒരു പവര് പ്ലാന്റ്, സിവിലിയന് ആണവ കേന്ദ്രങ്ങള് എന്നിവിടങ്ങളില് കഴിഞ്ഞ ദിവസം ഇസ്രയേല് ആക്രമണം നടത്തിയതായി അരാഗ്ചി പറഞ്ഞു. യുദ്ധം അവസാനിപ്പിക്കാനായി ടെഹ്റാനുമായി ചര്ച്ചകള് നടന്നുകൊണ്ടിരിക്കെ യുഎസ് പ്രസിഡന്റ് ഡൊണാള്ഡ് ട്രംപ് പ്രഖ്യാപിച്ച സമയ പരിധിക്ക് വിരുദ്ധമായ നടപടിയാണിതെന്നും അരാഗ്ചി കുറ്റപ്പെടുത്തി.
ഇറാന്റെ ആണവോര്ജ കേന്ദ്രങ്ങളിലേക്ക് ഏപ്രില് 06 വരെ ആക്രമണങ്ങളുണ്ടാകില്ലെന്ന് നേരത്തെ ട്രംപ് അറിയിച്ചിരുന്നു. ഇതിന് പിന്നാലെ ആക്രമണങ്ങള് തുടരുന്നതിനിടെയാണ് അരാഗ്ചി രംഗത്തെത്തിയത്. അതേസമയം യുഎസുമായി ചര്ച്ച നടത്തിയാണ് ഇത്തരം ആക്രമണങ്ങള് നടത്തുന്നതെന്ന് ഇസ്രയേലും വ്യക്തമാക്കി. നിയമം ലംഘിച്ചുള്ള ഇസ്രയേല് നടപടിക്ക് ഇറാന് കനത്ത തിരിച്ചടി നല്കുമെന്നും അരാഗ്ചി മുന്നറിയിപ്പ് നല്കി.ഇറാനിലെ അരാക്കിലെ വാട്ടര് പ്ലാന്റും യുറേനിയം പ്ലാന്റിലും ഇസ്രയേല് ആക്രമണം നടത്തി. ഇത് 'റൈസിങ് ലയണ്' ഓപ്പറേഷന്റെ ഭാഗമാണെന്ന് ഐഡിഎഫ് പറഞ്ഞു. ഇറാന്റെ ആയുധ നിര്മാണത്തെ നശിപ്പിക്കുകയെന്ന ലക്ഷ്യത്തോടെയാണ് ആക്രമണം നടത്തിയതെന്നും ഐഡിഎഫ് ചൂണ്ടിക്കാട്ടി.യുഎസും ഇസ്രയേലും ഒന്നിച്ച് ആക്രമണം: ഇറാനിലെ ഇസ്ഹഫാനിലെയും ഖുസെസ്ഥാനിെലയും രണ്ട് പ്രധാന സ്റ്റീല് കമ്പനികള്ക്ക് നേരെ യുഎസും ഇസ്രയേലും ആക്രമണം നടത്തിയതായും റിപ്പോര്ട്ടുണ്ട്. ആക്രമണത്തില് ഒരാള് കൊല്ലപ്പെടുകയും രണ്ട് പേര്ക്ക് പരിക്കേല്ക്കുകയും ചെയ്തൂവെന്ന് ഇസ്ഫാഹാനിലെ ഡെപ്യൂട്ടി ഗവർണർ ജനറൽ അക്ബർ സാലിഹി അറിയിച്ചു. എന്നാല് ഖുസെസ്ഥാനിലുണ്ടായ ആക്രമണത്തില് 16 പേര്ക്ക് പരിക്കേറ്റതായി ഖുസെസ്ഥാനിലെ ഡെപ്യൂട്ടി ഗവർണർ ജനറൽ വലിയോള ഹയാതി അറിയിച്ചു. ആക്രമണത്തില് സ്റ്റീല് കമ്പനി പൂര്ണമായും നശിച്ചു.
യുഎസും ഇസ്രയേലും യുദ്ധത്തിന് പ്രേരിപ്പിക്കുകയാണെന്ന് അരാഗ്ചി നേരത്തെ പറഞ്ഞിരുന്നു. യുഎന് മനുഷ്യാവകാശ കൗണ്സിലിന്റെ യോഗത്തിലായിരുന്നു പരാമര്ശം. ആണവ ശക്തികളായ അമേരിക്കയും ഇസ്രയേലും നടത്തുന്ന നിയമ വിരുദ്ധമായ യുദ്ധമാണ് ഇറാന് നേരിടുന്നതെന്ന് അദ്ദേഹം പറഞ്ഞു. ഇറാനും യുഎസും തമ്മില് ആണവ പദ്ധതി സംബന്ധിച്ച് നയതന്ത്ര ചര്ച്ചകള് നടന്നുകൊണ്ടിരിക്കുമ്പോഴാണ് ഫെബ്രുവരി 28ലെ ആക്രമണം നടന്നത്. യുഎസ് രണ്ടാം തവണയും ചര്ച്ചാ പ്രക്രിയ അട്ടിമറിച്ചെന്നും അരാഗ്ചി കുറ്റപ്പെടുത്തി.സ്കൂളുകള്ക്ക് നേരെ ആക്രമണം: ഇറാനിലുടനീളം 600ലധികം സ്കൂളുകള്ക്ക് നേരെ ആക്രമണമുണ്ടായിട്ടുണ്ട്. 1,000ത്തിലധികം വിദ്യാര്ഥികളും അധ്യാപകരും കൊല്ലപ്പെടുകയോ പരിക്കേല്ക്കുകയോ ചെയ്തൂവെന്നും അരാഗ്ചി യോഗത്തില് ചൂണ്ടിക്കാട്ടി.
ഇറാനിയൻ ആണവ കേന്ദ്രങ്ങൾ ഇസ്രായേൽ ആക്രമിച്ചതിന് പിന്നാലെ സൗദി അറേബ്യയിലെ സൈനിക താവളത്തിൽ ഇറാൻ ആക്രമണം
വെള്ളിയാഴ്ച സൗദി അറേബ്യയിലെ രണ്ട് ആണവ കേന്ദ്രങ്ങൾക്ക് നേരെ ഇസ്രായേൽ നടത്തിയ ആക്രമണത്തിന് പ്രതികാരമായി ഇറാൻ സൗദി അറേബ്യയിലെ ഒരു താവളത്തിൽ ആക്രമണം നടത്തി, യുഎസ് സൈനികർക്ക് പരിക്കേൽക്കുകയും വിമാനങ്ങൾക്ക് കേടുപാടുകൾ സംഭവിക്കുകയും ചെയ്തു.പ്രിൻസ് സുൽത്താൻ വ്യോമതാവളത്തിന് നേരെയുള്ള ഇറാൻ ആക്രമണത്തിൽ കുറഞ്ഞത് 10 അമേരിക്കൻ സൈനികർക്കെങ്കിലും പരിക്കേറ്റതായി രണ്ട് യുഎസ് ഉദ്യോഗസ്ഥർ പറഞ്ഞതായുംഅവരിൽ രണ്ടുപേർക്ക് ഗുരുതരമായി പരിക്കേറ്റതായി ഒരു ഉദ്യോഗസ്ഥൻ പറഞ്ഞതായും വിദേശ മാധ്യമങ്ങൾ റിപ്പോർട്ട് ചെയ്യുന്നു.നിരവധി ഇന്ധനം നിറയ്ക്കുന്ന വിമാനങ്ങൾക്ക് കേടുപാടുകൾ സംഭവിച്ചു
.വെള്ളിയാഴ്ച ടെഹ്റാനെതിരെയുള്ള ആക്രമണം "വർദ്ധിപ്പിക്കുകയും വികസിപ്പിക്കുകയും" ചെയ്യുമെന്ന് ഭീഷണിപ്പെടുത്തി മണിക്കൂറുകൾക്ക് ശേഷം ഇസ്രായേൽ ഇറാന്റെ ആണവ കേന്ദ്രങ്ങൾ ആക്രമിച്ചിരുന്നു.രണ്ട് ആണവ കേന്ദ്രങ്ങൾ ആക്രമിക്കപ്പെട്ടതായി ഇറാനിയൻ സ്റ്റേറ്റ് മീഡിയ പറഞ്ഞു. ഉത്തരവാദിത്തം ഇസ്രായേൽ ഏറ്റെടുത്തു, ഇറാൻ പെട്ടെന്ന് പ്രതികാരം ചെയ്യുമെന്ന് ഭീഷണിപ്പെടുത്തി."ഇസ്രായേലിന്റെ കുറ്റകൃത്യങ്ങൾക്ക് കനത്ത വില നൽകേണ്ടിവരും," ഇറാൻ വിദേശകാര്യ മന്ത്രി അബ്ബാസ് അരഗ്ചി എക്സ് വഴി പറഞ്ഞു.അറാക്കിലെ ഷാഹിദ് ഖോണ്ടാബ് ഘനജല സമുച്ചയവും യാസ്ദ് പ്രവിശ്യയിലെ അർദകൻ യെല്ലോകേക്ക് ഉൽപാദന പ്ലാന്റും ലക്ഷ്യമിട്ടതായി ഇറാന്റെ ആണവോർജ്ജ സംഘടന പറഞ്ഞതായി ഐആർഎൻഎ റിപ്പോർട്ട് ചെയ്തു.ആക്രമണങ്ങളിൽ ആർക്കും നാശനഷ്ടമുണ്ടായിട്ടില്ലെന്നും മലിനീകരണ സാധ്യതയില്ലെന്നും അവർ പറഞ്ഞു.
കഴിഞ്ഞ ജൂണിൽ ഇസ്രായേൽ അരാക്കിലെ പ്ലാന്റ് ആക്രമിച്ചതിനുശേഷം അത് പ്രവർത്തനക്ഷമമായിട്ടില്ല.അസംസ്കൃത അയിരിൽ നിന്ന് മാലിന്യങ്ങൾ നീക്കം ചെയ്തതിനുശേഷം യുറേനിയത്തിന്റെ ഒരു സാന്ദ്രീകൃത രൂപമാണ് യെല്ലോകേക്ക്. ആണവ റിയാക്ടറുകളിൽ ഘനജലം മോഡറേറ്ററായി ഉപയോഗിക്കുന്നു.
യാസ്ദ് പ്ലാന്റിൽ സമ്പുഷ്ടീകരണത്തിനായി അസംസ്കൃത വസ്തുക്കൾ പ്രോസസ്സ് ചെയ്യുന്നുണ്ടെന്നും ആക്രമണം ഇറാന്റെ ആണവ പദ്ധതിക്ക് വലിയ തിരിച്ചടിയാണെന്നും ഇസ്രായേൽ സൈന്യം പിന്നീട് പറഞ്ഞു.