നിയമസഭ കേന്ദ്രമന്ത്രി; കേന്ദ്രമന്ത്രി ജോര്ജ് കുര്യന് കാഞ്ഞിരപ്പള്ളിയില് സ്ഥാനാര്ഥിയാകും
കോട്ടയം: കേന്ദ്രമന്ത്രി ജോര്ജ് കുര്യന് നിയമസഭയിലേക്ക് മത്സരിക്കുമെന്ന് റിപ്പോര്ട്ട്. കാഞ്ഞിരപ്പള്ളിയില് ബിജെപി സ്ഥാനാര്ഥിയാകും. മണ്ഡലത്തില് കേന്ദ്രീകരിക്കാന് ദേശീയ നേതൃത്വം ജോര്ജ് കുര്യന് നിര്ദേശം നല്കി.കഴിഞ്ഞ നിയമസഭാ തെരഞ്ഞെടുപ്പില് കാഞ്ഞിരപ്പള്ളിയില് ബിജെപിക്ക് മികച്ച പ്രകടനം കാഴ്ച വയ്ക്കാന് കഴിഞ്ഞിരുന്നു. . ഇത്തവണ അതിനെക്കാള് മികച്ച സാഹചര്യമാണെന്ന് ബിജെപി കണക്കുകൂട്ടുന്നു. ജോര്ജ് കുര്യന് സ്ഥാനാര്ഥിയായി എത്തുന്നതോടെ ക്രിസ്ത്യന് വോട്ടുകളില് ഗണ്യമായ മുന്നേറ്റമുണ്ടാക്കാനാകുമെന്ന വിലയിരുത്തലിന്റെ അടിസ്ഥാനത്തിലാണ് അദ്ദേഹത്തെ സ്ഥാനാര്ഥിയാക്കാനുള്ള പാര്ട്ടിയുടെ നീക്കം.കോട്ടയത്തെ കാണക്കാരി സ്വദേശിയാണ് ജോര്ജ് കുര്യന്. കഴിഞ്ഞ കുറെ ദിവസങ്ങളായി കാഞ്ഞിരപ്പള്ളി കേന്ദ്രകരിച്ചുള്ള പ്രവര്ത്തനങ്ങളില് സജീവമാണ് കുര്യന്. കോട്ടയത്തും പ്രത്യേകിച്ച് കാഞ്ഞിരപ്പള്ളിയിലും കേന്ദ്രമന്ത്രിയെന്ന നിലയില് നടത്തിയ വികസന പ്രവര്ത്തനങ്ങള് തുണയാകുമെന്ന പ്രതീക്ഷയിലാണ് കുര്യനും.