ശ്രേയസ് അയ്യർ ഇന്ത്യയുടെ പുതിയ ടി20 ക്യാപ്റ്റൻ: വൈഭവ് സൂര്യവംശി ടീമിൽ

മുംബൈ: വരാനിരിക്കുന്ന അയർലൻഡ്, ഇംഗ്ലണ്ട് ടി20 പരമ്പരകൾക്കും ജപ്പാനിൽ നടക്കുന്ന 2026 ഏഷ്യൻ ഗെയിംസിനും വേണ്ടിയുള്ള ഇന്ത്യൻ ക്രിക്കറ്റ് ടീമിനെ ബിസിസിഐ പ്രഖ്യാപിച്ചു. സൂര്യകുമാർ യാദവിന് പകരക്കാരനായി ശ്രേയസ് അയ്യരെ പുതിയ നായകനായി നിയമിച്ചു. മുഖ്യ സെലക്ടർ അജിത് അഗാർക്കാരുടെ നേതൃത്വത്തിൽ ചേർന്ന സെലക്ഷൻ കമ്മിറ്റി യോഗത്തിലാണ് നിർണ്ണായക തീരുമാനം .ടി20 ഫോർമാറ്റിൽ ശ്രേയസ് അയ്യർ നായകസ്ഥാനം ഏറ്റെടുക്കുമ്പോൾ, തിലക് വർമയാണ് ടീമിന്റെ വൈസ് ക്യാപ്റ്റൻ. ഐപിഎല്ലിലെ മികച്ച പ്രകടനത്തിന്റെ അടിസ്ഥാനത്തിൽ ‘വണ്ടർ കിഡ്’ വൈഭവ് സൂര്യവംശി ടീമിൽ ഇടംനേടിയിട്ടുണ്ട്. സഞ്ജു സാംസണെ ക്യാപ്റ്റനാക്കണമെന്ന് കോച്ച് ഗൗതം ഗംഭീർ താല്പര്യം പ്രകടിപ്പിച്ചിരുന്നുവെങ്കിലും, സെലക്ഷൻ കമ്മിറ്റി അത് പരിഗണിച്ചില്ല.

ഇന്ത്യൻ ടി20 ടീം (അയർലൻഡ്, ഇംഗ്ലണ്ട് പര്യടനം)

ശ്രേയസ് അയ്യർ (നായകൻ), അഭിഷേക് ശർമ, സഞ്ജു സാംസൺ (വിക്കറ്റ് കീപ്പർ), ഇഷാൻ കിഷൻ (വിക്കറ്റ് കീപ്പർ), വൈഭവ് സൂര്യവംശി, ശിവം ദുബെ, തിലക് വർമ, നിതീഷ് റെഡ്ഡി, അക്ഷർ പട്ടേൽ, വാഷിങ്ടൺ സുന്ദർ, വരുൺ ചക്രവർത്തി, രവി ബിഷ്‌ണോയ്, മുഹമ്മദ് സിറാജ്, ഹർഷിത് റാണ, അർഷ്ദീപ് സിങ്, പ്രിൻസ് യാദവ്.

ഏഷ്യൻ ഗെയിംസ് 2026: ഇന്ത്യൻ ടീം

ശ്രേയസ് അയ്യർ (നായകൻ), അഭിഷേക് ശർമ, സഞ്ജു സാംസൺ (വിക്കറ്റ് കീപ്പർ), ഇഷാൻ കിഷൻ (വിക്കറ്റ് കീപ്പർ), ശിവം ദുബെ, തിലക് വർമ, നിതീഷ് റെഡ്ഡി, അക്ഷർ പട്ടേൽ, വാഷിങ്ടൺ സുന്ദർ, വരുൺ ചക്രവർത്തി, രവി ബിഷ്‌ണോയ്, മുഹമ്മദ് സിറാജ്, ഹർഷിത് റാണ, അർഷ്ദീപ് സിങ്, ജസ്പ്രിത് ബുംറ.