രാസലഹരിയുമായി കൊച്ചിയില് സിനിമാ പ്രവര്ത്തകര് എക്സൈസിൻ്റെ പിടിയിൽ
എറണാകുളം : രാസലഹരിയുമായി കൊച്ചിയില് സിനിമാ പ്രവര്ത്തകര് എക്സൈസിൻ്റെ പിടിയിലായി. കണ്ണൂര് സ്വദേശികളായ രതീഷ്, നിഖില് എന്നിവരാണ് പിടിയിലായത്. 'മെറി ബോയ്സ്' എന്ന സിനിമയുടെ അണിയറ പ്രവര്ത്തകരാണ് പിടിയിലായത്.സിനിമയിലെ കലാസംവിധായകരാണ് പിടിയിലായവരെന്ന് എക്സൈസ് അറിയിച്ചു. രഹസ്യ വിവരത്തെത്തുടര്ന്ന് കുന്നത്തുനാടിന് സമീപം ലോഡ്ജില് എക്സൈസ് ഉദ്യോഗസ്ഥര് നടത്തിയ പരിശോധനയിലാണ് ഇവര് കുടുങ്ങിയത്.ഇവരില് നിന്നും രണ്ടു ഗ്രാമിലധികം എംഡിഎംഎ കണ്ടെടുത്തു. ആറു ഗ്രാം കഞ്ചാവും പിടിച്ചെടുത്തിട്ടുണ്ട്. ഇവര് ലഹരി ഉപയോഗിക്കുന്നവരാണോ, ആരാണ് ഇവര്ക്ക് ലഹരി കൈമാറിയത്, വില്പ്പനയ്ക്കായി കൈവശം സൂക്ഷിച്ചതാണോ തുടങ്ങിയ കാര്യങ്ങള് അന്വേഷിക്കുന്നതായി എക്സൈസ് സംഘം സൂചിപ്പിച്ചു.