‘ക്ഷേത്ര നടത്തിപ്പ് ഞങ്ങളുടെ ജോലിയല്ല’: അയോധ്യ രാമക്ഷേത്ര വിവാദത്തിൽ വിഎച്ച്പി

ന്യൂഡൽഹി: അയോധ്യ രാമക്ഷേത്ര നിർമ്മാണ ഫണ്ടിലെ തിരിമറിയുമായി ബന്ധപ്പെട്ട വിവാദങ്ങളിൽ പ്രതികരണവുമായി വിശ്വഹിന്ദു പരിഷത്ത്. ശ്രീരാമ ജന്മഭൂമി തീർത്ഥക്ഷേത്ര ട്രസ്റ്റ് ജനറൽ സെക്രട്ടറി സ്ഥാനത്ത് നിന്ന് ചമ്പത് റായിയുടെ രാജിയോട് പ്രതികരിച്ച വി.എച്ച്.പി. അന്താരാഷ്ട്ര അധ്യക്ഷൻ അലോക് കുമാർ, ട്രസ്റ്റിന്റെ പ്രവർത്തനങ്ങളിൽ തങ്ങൾക്ക് ഉത്തരവാദിത്തമില്ലെന്ന് വ്യക്തമാക്കി. ട്രസ്റ്റ് സ്വതന്ത്രമായാണ് പ്രവർത്തിക്കുന്നതെന്നും, ക്ഷേത്ര നിർമ്മാണവും നടത്തിപ്പും ട്രസ്റ്റിൻ്റെ ഉത്തരവാദിത്തമാണെന്നും അലോക് കുമാർ വ്യക്തമാക്കി. രാമക്ഷേത്ര നിർമ്മാണത്തിന് വഴിയൊരുക്കുന്ന വിധിയുണ്ടായതോടെ അയോധ്യയിലെ ക്ഷേത്ര നിർമ്മാണ പ്രവർത്തനങ്ങളിൽ നിന്ന് വി.എച്ച്.പി. ഒഴിഞ്ഞുനിന്നിരുന്നു. ചമ്പത് റായിയുടെ പ്രവർത്തനങ്ങൾ വ്യക്തിപരമാണെന്നും അതിൽ വി.എച്ച്.പി.ക്ക് പങ്കില്ലെന്നും അദ്ദേഹം കൂട്ടിച്ചേർത്തു. നടന്ന സംഭവങ്ങൾ ഹിന്ദു സമൂഹത്തെയാകെ വേദനിപ്പിച്ചുവെന്നും അദ്ദേഹം പറഞ്ഞു.ക്രമക്കേടുകൾ പുറത്തുവന്നതോടെ ധാർമ്മിക ഉത്തരവാദിത്തം ഏറ്റെടുത്ത്  ചമ്പത് റായി സ്ഥാനം ഒഴിഞ്ഞിരുന്നു .സംഭവത്തിൽ ഇതുവരെ എട്ടുപേരെ പൊലീസ് അറസ്റ്റ് ചെയ്തിട്ടുണ്ട്. അന്വേഷണം എട്ടുപേരിൽ മാത്രം ഒതുങ്ങരുതെന്നും, ചമ്പത് റായ് ഉൾപ്പെടെയുള്ള മുഴുവൻ ട്രസ്റ്റിമാരെയും അന്വേഷണവിധേയരാക്കണമെന്നും വി.എച്ച്.പി. ആവശ്യപ്പെട്ടു.