ആഹ്ളാദപ്രകടനത്തിൽ ജി സുകുമാരന് നായര്ക്കും വെള്ളാപ്പള്ളിക്കുമെതിരെ അസഭ്യവര്ഷവുമായി മുസ്ളീംലീഗ്
ഇടുക്കി: തൊടുപുഴയിലെ ആഹ്ളാദപ്രകടത്തില് വെള്ളാപ്പള്ളിക്കും സുകുമാരന് നായര്ക്കുമെതിരെ അസഭ്യമുദ്രാവാക്യം വിളികളുമായി യൂത്ത് ലീഗ്പ്രവര്ത്തകര്. "ലീഗ് ഭരിക്കും കേരള മണ്ണ് , 'കേരള മണ്ണിലെ നിയമങ്ങള് ലീഗ് പറയും' വെള്ളാപ്പള്ളി തെമ്മാടീ ,ലീഗിന് നേരെ ചൊറിയേണ്ടേ , പെരുന്നയിലുള്ള നായരെ ...."എന്നു തുടങ്ങുന്ന മുദ്രാവാക്യം വിളികളാണ് മുഴങ്ങിയത്. 'അഭിമാനത്തിന് അസ്തിത്വം ആരുടെ മുമ്പില് പണയം വയ്ക്കാന് ആവില്ലെന്നും മുദ്രാവാക്യത്തില് പറയുന്നു. വിഡി സതീശന് അഭിവാദ്യം അര്പ്പിച്ചുക്കൊണ്ട് ആയിരുന്നു മുദ്രാവാക്യം. ഇടയ്ക്ക് മുദ്രാവാക്യം അതി രൂക്ഷമാകുകയും ചെയ്തു.
മുഖ്യമന്ത്രി പ്രഖ്യാപനം വൈകുന്നതില് മുസ്ലീം ലീഗിനെ കുറ്റപ്പെടുത്തിക്കൊണ്ട് സുകുമാരന് നായര് രംഗത്ത് വന്നിരുന്നു. മുഖ്യമന്ത്രിയെ നിശ്ചയിച്ചതില് ജനാധിപത്യപരമായ കീഴ്വഴക്കങ്ങള് ലംഘിക്കപ്പെട്ടുവെന്നും മുസ്ലിം ലീഗ് ഭരണത്തില് പിടിമുറുക്കുന്നതിന്റെ സൂചനയാണിതെന്നും അദ്ദേഹം ആരോപിച്ചു. മാനദണ്ഡങ്ങള് വെച്ച് നോക്കുമ്പോള് രമേശ് ചെന്നിത്തലയായിരുന്നു മുഖ്യമന്ത്രി സ്ഥാനത്തിന് ഏറ്റവും യോഗ്യനെന്നും സുകുമാരന് നായര് വാര്ത്താസമ്മേളനത്തില് പറഞ്ഞു. മുസ്ലിം ലീഗ് നടത്തിയ സമ്മര്ദ്ദത്തിന് കോണ്ഗ്രസ് വഴങ്ങിയത് ഒരിക്കലും ശരിയായ നടപടിയല്ലെന്നും മന്ത്രിമാരുടെ തെരഞ്ഞെടുപ്പിലും ഇതേ സമ്മര്ദ്ദം ഉണ്ടാകുമെന്നും അദ്ദേഹം കൂട്ടിച്ചേര്ത്തു. നല്ല നാളേക്കായി സതീശന് നയിക്കുമെന്നത് പാണക്കാട് സാദിഖലി തങ്ങളുടെ മാത്രം വിശ്വാസമാണെന്നും തങ്ങള്ക്ക് അത്തരമൊരു വിശ്വാസമില്ലെന്നും അദ്ദേഹം വ്യക്തമാക്കി.