മുലപ്പാൽ തൊണ്ടയിൽ കുടുങ്ങി ആറ് മാസം പ്രായമുള്ള കുഞ്ഞ് മരിച്ചു

പാലക്കാട്:  കടമ്പഴിപ്പുറം പുലാപ്പറ്റയിൽ മുലപ്പാൽ തൊണ്ടയിൽ കുടുങ്ങി ആറ് മാസം പ്രായമുള്ള ആൺകുഞ്ഞ് മരിച്ചു . പുലാപ്പറ്റ വെട്ടംപറമ്പിൽ കൃഷ്ണകുമാർ – സുമിഷ ദമ്പതികളുടെ മകൻ യുവാനാണ് ദാരുണമായി മരണപ്പെട്ടത്.കഴിഞ്ഞ ദിവസം കുഞ്ഞിന് മുലപ്പാൽ നൽകിയതിന് പിന്നാലെ അബദ്ധത്തിൽ പാൽ ശ്വാസകോശത്തിൽ കുടുങ്ങുകയും കുഞ്ഞിന് കടുത്ത ശ്വാസതടസ്സം അനുഭവപ്പെടുകയുമായിരുന്നു. അസ്വസ്ഥത പ്രകടിപ്പിച്ച കുഞ്ഞിനെ മാതാപിതാക്കളും ബന്ധുക്കളും ഉടൻ തന്നെ സമീപത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ആശുപത്രിയിൽ എത്തിക്കുന്നതിന് മുൻപ് തന്നെ മരണം സംഭവിച്ചിരുന്നതായി ഡോക്ടർമാർ സ്ഥിരീകരിച്ചു.കുഞ്ഞിന്റെ അപ്രതീക്ഷിത വിയോഗത്തിന്റെ ഞെട്ടലിലും കടുത്ത ദുഃഖത്തിലുമാണ് കുടുംബവും പുലാപ്പറ്റ ഗ്രാമവാസികളും. നിയമപരമായ നടപടികൾ പൂർത്തിയാക്കിയ ശേഷം മൃതദേഹം പോസ്റ്റുമോർട്ടത്തിനായി ജില്ലാ ആശുപത്രിയിലേക്ക് മാറ്റി.