നടൻ സലിം കുമാർ അന്തരിച്ചു

എറണാകുളം :  മലയാള സിനിമയിലെ പ്രശസ്ത ഹാസ്യനടനും ദേശീയ അവാർഡ് ജേതാവുമായ സലിം കുമാർ അന്തരിച്ചു. എറണാകുളം കൊച്ചിയിലെ അമൃത ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിൽ രാത്രിയോടെയായിരുന്നു അന്ത്യം. ആരോഗ്യനില വഷളായതിനെ തുടർന്ന് അടിയന്തരമായി രാവിലെ അദ്ദേഹത്തെ ആശുപത്രിയിൽ എത്തിക്കുകയായിരുന്നു.

കഴിഞ്ഞ കുറച്ചു ദിവസങ്ങളായി സലിം കുമാറിന് കടുത്ത ശാരീരിക അസ്വസ്ഥതകൾ ഉണ്ടായിരുന്നു. തുടർന്ന് സ്ഥിതി മോശമായതോടെ വിദഗ്ധ ചികിത്സയ്ക്കായി ആശുപത്രിയിലേക്ക് മാറ്റുകയായിരുന്നു. ആശുപത്രിയിൽ നടത്തിയ പ്രാഥമിക പരിശോധനകൾക്ക് ശേഷമാണ് തീവ്രപരിചരണ വിഭാഗത്തിൽ പ്രവേശിപ്പിച്ചത്. ആരോഗ്യനില സംബന്ധിച്ച കൂടുതൽ വിവരങ്ങൾ വരും മണിക്കൂറുകളിൽ പുറത്തുവിടുമെന്ന് ആശുപത്രി വക്താവ് ഞ്ഞിരുന്നു. ഇതിനുപിന്നാലെയാണ് രാത്രി വൈകി അന്ത്യം സംഭവിച്ചത്.

പ്രിയതാരത്തിൻ്റെ അസുഖവിവരം പുറത്തുവന്നതോടെ സിനിമാലോകവും ആരാധകരും കടുത്ത ആശങ്കയിലായിരുന്നു. നടൻ്റെ കുടുംബാംഗങ്ങൾ ഇതിനകം ആശുപത്രിയിൽ എത്തിയിട്ടുണ്ട്. സിനിമാ രംഗത്തെ സഹപ്രവർത്തകരും വിവിധ മേഖലകളിലെ പ്രമുഖരും അദ്ദേഹത്തിൻ്റെ സുഖവിവരങ്ങൾ അന്വേഷിച്ചിരുന്നു. വിദഗ്ധ ഡോക്ടർമാരുടെ നേതൃത്വത്തിൽ അദ്ദേഹത്തിന് മികച്ച ചികിത്സ നൽകുകയും വേഗത്തിലുള്ള രോഗമുക്തിക്കായി ഏവരും പ്രാർഥനയോടെ കാത്തിരിക്കുകയും ചെയ്യുന്നതിനിടെയാണ് മരണം സംഭവിച്ചത്.

കരൾ രോഗവും ചികിത്സയും

കഴിഞ്ഞ കുറച്ചു വർഷങ്ങളായി കരൾ സംബന്ധമായ അസുഖങ്ങളെത്തുടർന്ന് താരം ചികിത്സയിലായിരുന്നു. തനിക്ക് ലിവർ സിറോസിസ് എന്ന രോഗം വന്നത് മദ്യപാനം കൊണ്ടല്ലെന്നും അത് പാരമ്പര്യമായി കിട്ടിയതാണെന്നും അദ്ദേഹം മുൻപ് വ്യക്തമാക്കിയിരുന്നു. തൻ്റെ സഹോദരനും ഇതേ അസുഖമായിരുന്നുവെന്നും അദ്ദേഹം വെളിപ്പെടുത്തിയിരുന്നു. അദ്ദേഹത്തിൻ്റെ ഈ തുറന്നുപറച്ചിൽ വലിയ ശ്രദ്ധ നേടിയിരുന്നു.

ചിരിപ്പിച്ചും ചിന്തിപ്പിച്ചും

നോർത്ത് പറവൂരിലെ ചിറ്റാറ്റുകരയിൽ ഒരു സാധാരണ കുടുംബത്തിലാണ് സലിം കുമാർ ജനിച്ചത്. എറണാകുളം മഹാരാജാസ് കോളജിൽ നിന്നും വിദ്യാഭ്യാസം പൂർത്തിയാക്കിയ അദ്ദേഹം കൊച്ചിൻ കലാഭവനിലൂടെയാണ് മിമിക്രി വേദികളിലിറങ്ങിയത്. അവിടെ സജീവമായ അദ്ദേഹം പിന്നീട് പൂർണമായും സിനിമയിൽ തൻ്റെതായ സ്ഥാനം ഉറപ്പിച്ചു. കോമഡി വേഷങ്ങളിൽ തൻ്റെ അഭിനയ ശൈലിയിലൂടെയും വേറിട്ട ശബ്ദത്തിലൂടെയും അദ്ദേഹം മലയാളികളുടെ ഹൃദയം കീഴടക്കി. ഒട്ടേറെ ചിത്രങ്ങളിലൂടെ സിനിമാപ്രേമികളെ വീണ്ടും വീണ്ടും ചിരിപ്പിക്കാൻ അദ്ദേഹത്തിന് സാധിച്ചു. ദിലീപ് സിനിമകളിലെ ഹാസ്യ വേഷങ്ങളാണ് അദ്ദേഹത്തെ സാധാരണക്കാർക്ക് പ്രിയങ്കരനാക്കിയത്. കല്യാണരാമൻ, തിളക്കം, പുലിവാല് കല്യാണം, ചതിക്കാത്ത ചന്തു, മായാവി തുടങ്ങിയ സിനിമകൾ അദ്ദേഹത്തിൻ്റെ കരിയറിലെ മികച്ച ചിത്രങ്ങളായിരുന്നു.

ലഭിച്ച പുരസ്കാരങ്ങൾ

ഹാസ്യ വേഷങ്ങൾക്ക് പുറമെ മികച്ച ഒരു സ്വഭാവ നടൻ കൂടിയാണെന്ന് അദ്ദേഹം തെളിയിച്ചു. സംവിധായകൻ സലിം അഹമ്മദ് ഒരുക്കിയ 'ആദാമിൻ്റെ മകൻ അബു' എന്ന ചിത്രത്തിലെ അഭിനയത്തിന് 2010ൽ മികച്ച നടനുള്ള ദേശീയ പുരസ്കാരവും കേരള സംസ്ഥാന ചലച്ചിത്ര പുരസ്കാരവും അദ്ദേഹം സ്വന്തമാക്കി. മികച്ച രണ്ടാമത്തെ നടനുള്ള സംസ്ഥാന അവാർഡും മികച്ച ഹാസ്യനടനുള്ള പുരസ്കാരവും മുൻപ് അദ്ദേഹത്തെ തേടിയെത്തിയിട്ടുണ്ട്. അഭിനയത്തിന് പുറമേ മികച്ച സംവിധായകനും നിർമാതാവും കൂടിയാണ് സലിം കുമാർ. കറുത്ത ജൂതൻ, ദൈവമേ കൈതൊഴാം കെ കുമാറാകണം തുടങ്ങിയ സിനിമകൾ അദ്ദേഹം സംവിധാനം ചെയ്തു. 300ലധികം സിനിമകളിൽ വേഷമിട്ട അദ്ദേഹത്തിൻ്റെ വിയോഗം മലയാള സിനിമയ്ക്ക് തീരാനഷ്ടമാണ്. സൂക്ഷിച്ചിരിക്കുന്ന ഭൗതിക ശരീരം നാളെ സ്വന്തം നാടായ പറവൂരിലേക്ക് കൊണ്ടുപോകും. അവിടെ പൊതുദർശനത്തിന് വെച്ച ശേഷം സംസ്കാര ചടങ്ങുകൾ നടക്കും. സുനിതയാണ് ഭാര്യ. ചന്തു, ആരോമൽ എന്നിവർ മക്കളാണ്.

പ്രിയ നടന്  'വേൾഡ് എം ന്യുസി'ന്റെ ആദരാഞ്ജലികൾ