Latest News
മക്കയില് നിന്നും മദീനയിലേക്ക് പോയ ഇന്ത്യന് തീര്ഥാടകര് സഞ്ചരിച്ച ബസ് അപകടത്തില്പ്പെട്ട് 42മരണം
റിയാദ്: മക്കയില് നിന്നും മദീനയിലേക്ക് പോയ ഇന്ത്യന് തീര്ഥാടകര് സഞ്ചരിച്ച ബസ് അപകടത്തില്പ്പെട്ട് 42മരണം. ഹൈദരബാദില് നിന്നുള്ള തീര്ഥാടകരാണ് ബസില് ഉണ്ടായിരുന്നതായാണ് വിവരം. ബസ് ഡീസല് ടാങ്കറുമായി കൂട്ടിയിടിച്ചാണ് അപകടം ഉണ്ടായത്.അപകടത്തില്പ്പെട്ടവരില് ഏറെയും സ്ത്രീകളും കുട്ടികളുമാണ്. ഇന്ന് പുലര്ച്ചെ ഒന്നരയോടെയാണ് അപകടം ഉണ്ടായത്. മദീനയില് നിന്ന് 160 കിലോ മീറ്റര് അകലെയായിരുന്നു സംഭവം. സിവില് ഡിഫന്സും പൊലീസും ഉള്പ്പടെയുള്ള സുരക്ഷാസേന സ്ഥലത്തെത്തി രക്ഷാപ്രവര്ത്തനത്തിന് നേതൃത്വം നല്കി.കത്തിക്കരിഞ്ഞതിനാല് പലരുടെയും മൃതദേഹം തിരിച്ചറിയാന് കഴിഞ്ഞിട്ടില്ല. ബസ്സിലുള്ള ഒരാള് ഒഴികെ മറ്റുള്ളവരെല്ലാം മരിച്ചതായും പ്രാദേശിക മാധ്യമങ്ങള് റിപ്പോര്ട്ട് ചെയ്യുന്നു.