ജയ്പൂരിലെ എസ്എംഎസ് ആശുപത്രി ഐസിയുവിൽ ഉണ്ടായ തീപിടിത്തത്തിൽ 6 പേർ മരിച്ചു

ജയ്പൂരിലെ സവായ് മാൻ സിംഗ് ആശുപത്രി ഐസിയുവിൽ ഇന്നലെ  രാത്രിയുണ്ടായ വൻ തീപിടുത്തത്തിൽ ആറ് രോഗികൾ മരിച്ചു. ഷോർട്ട് സർക്യൂട്ടാണ് തീപിടുത്തത്തിന് കാരണമെന്ന് ഉദ്യോഗസ്ഥർ സംശയിക്കുന്നു, അതേസമയം അടിയന്തര ഘട്ടത്തിൽ ജീവനക്കാർ ഓടി രക്ഷപ്പെട്ടതായി കുടുംബങ്ങൾ ആരോപിച്ചു. രക്ഷാപ്രവർത്തകർ രോഗികളെ ഒഴിപ്പിക്കുകയും രണ്ട് മണിക്കൂറിനുശേഷം തീ നി യന്ത്രണവിധേയമാക്കുകയും ചെയ്തു. ദുരന്തത്തെക്കുറിച്ച് ഉന്നതതല അന്വേഷണത്തിന് രാജസ്ഥാൻ സർക്കാർ ഉത്തരവിട്ടു.നാലുപുരുഷന്മാരും രണ്ട് സ്ത്രീകളുമാണ് മരണപ്പെട്ടത് .അഞ്ചോളം പേരെ ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചിട്ടുണ്ട്.

ഷോർട്ട് സർക്യൂട്ട് മൂലമാണെന്ന് സംശയിക്കുന്ന തീപിടുത്തം ആശുപത്രി കെട്ടിടത്തിന്റെ രണ്ടാം നിലയിലാണ് ഉണ്ടായതെന്ന് ഉദ്യോഗസ്ഥർ പറഞ്ഞു. തീപിടുത്തമുണ്ടായ ഉടൻ തന്നെ മെഡിക്കൽ ജീവനക്കാർ ഓടി രക്ഷപ്പെട്ടതായും രോഗികൾ അകത്ത് കുടുങ്ങിയതായും കുടുംബങ്ങൾ ആരോപിച്ചു. കട്ടിയുള്ള പുക പെട്ടെന്ന് തറയിൽ പടർന്നു, ഇത് രോഗികളിലും കൂട്ടിരിപ്പുകാരിലും പരിഭ്രാന്തി സൃഷ്ടിച്ചു.രാത്രി 11:20 ഓടെ ആരംഭിച്ച തീ ട്രോമ വാർഡിലേക്ക് മിനിറ്റുകൾക്കുള്ളിൽ പടർന്നു. ഐസിയു ഉപകരണങ്ങൾ, രക്ത സാമ്പിൾ ട്യൂബുകൾ, പ്രധാനപ്പെട്ട മെഡിക്കൽ ഫയലുകൾ, പ്രദേശത്ത് സൂക്ഷിച്ചിരുന്ന മറ്റ് വസ്തുക്കൾ എന്നിവ തീപിടുത്തത്തിൽ നശിച്ചു.ആശുപത്രി ജീവനക്കാരും അറ്റൻഡർമാരും കെട്ടിടത്തിന് പുറത്തേക്ക് കിടക്കകൾ മാറ്റി നിരവധി രോഗികളെ ഒഴിപ്പിച്ചു. അഗ്നിശമന സേനാംഗങ്ങൾ ഉടൻ സ്ഥലത്തെത്തി ഏകദേശം രണ്ട് മണിക്കൂർ തുടർച്ചയായ പരിശ്രമത്തിനൊടുവിൽ തീ നിയന്ത്രണവിധേയമാക്കി. എല്ലാ രോഗികളുടെയും സുരക്ഷ ഉറപ്പാക്കാൻ അടിയന്തര സംഘങ്ങൾ രാത്രി മുഴുവൻ സ്ഥലത്ത് തങ്ങി.

സംഭവത്തിൽ ഒരു ബന്ധുവിനെ നഷ്ടപ്പെട്ടയാൾ , പുകയെക്കുറിച്ചുള്ള ആദ്യ മുന്നറിയിപ്പുകൾ ഡോക്ടർമാർ അവഗണിച്ചതായി  മാധ്യമങ്ങളോട് പങ്കുവെച്ചു . "രാത്രി 11:20 ഓടെ പുക പ്രത്യക്ഷപ്പെട്ടപ്പോൾ തന്നെ   ഡോക്ടർമാരെ അറിയിച്ചെങ്കിലും ഡോക്റ്റർമാർ  നടപടിയെടുത്തില്ല. പുക വർദ്ധിച്ചതോടെ ഡോക്ടർമാരും ജീവനക്കാരും ഓടി രക്ഷപ്പെട്ടു. കഴിയുന്നത്ര രോഗികളെ രക്ഷിക്കാൻ ഞങ്ങൾ ശ്രമിച്ചു":അയാൾ അറിയിച്ചു.