Keralam
ആശുപത്രിയില് ചികിത്സയ്ക്കെത്തിയ രോഗിയുടെ തലയില് ചക്ക വീണ് അപകടം
പത്തനംതിട്ട: ചികിത്സയ്ക്കെത്തിയ രോഗിയുടെ തലയില് ചക്ക വീണ് അപകടം. ജനറല് ആശുപത്രിയില് ഡോക്റ്ററെ കണ്ടു മരുന്നുവാങ്ങാനായി ലൈനിൽ നിൽക്കുമ്പോഴാണ് ഓമല്ലൂര് സ്വദേശിയായ ഗംഗാധര(78)ന്റെ തലയിൽ ചക്ക വീണത്. ഇയാളുടെ തലയ്ക്കും കൈയ്ക്കും പരിക്കേറ്റു. അത്യാഹിത വിഭാഗത്തിന് സമീപത്തുണ്ടായിരുന്ന പ്ലാവില് നിന്നാണ് ചക്ക വീണത്. ചക്ക വീണതോടെ ഗംഗാധരന് ബോധരഹിതനായിരുന്നു. നിലവില് ഇയാള് ആശുപത്രിയില് നിരീക്ഷണത്തിലാണ്.സാധാരണഗതിയിൽ ചക്ക പറിച്ചു മാറ്റാറുണ്ടെന്നും ഇത് മുകളിലായതിനാൽ ശ്രദ്ധയിൽപ്പെട്ടില്ലെന്നുമാണ് ജീവനക്കാർ പറയുന്നത്. പ്ലാവ് മുറിച്ചുമാറ്റാൻ അപേക്ഷ നൽകിയിട്ടുണ്ടെന്നും ജീവനക്കാരി വിശദീകരിച്ചു.