കരൂര് ദുരന്തത്തില് സിബിഐ അന്വേഷണത്തിന് ഉത്തരവിട്ട് സുപ്രീംകോടതി.
ന്യൂഡല്ഹി: കരൂര് ദുരന്തത്തില് സിബിഐ അന്വേഷണത്തിന് ഉത്തരവിട്ട് സുപ്രീംകോടതി. സിബിഐ സംഘത്തിന്റെ അന്വേഷണം നിരീക്ഷിക്കുന്നതിനും നീതി ഉറപ്പാക്കുന്നതിനുമായി പ്രത്യേക അന്വേഷണ സംഘത്തെ രൂപീകരിക്കണമെന്നും കോടതി നിര്ദേശിച്ചു. വിരമിച്ച സുപ്രീംകോടതി ജഡ്ജി ജയ് റസ്തഗി അധ്യക്ഷനായ മൂന്നംഗ ബെഞ്ചിന്റെ നേതൃത്വത്തിലാകും അന്വേഷണം.ഈ സമിതിയില് തമിഴ്നാട് കേഡറിലുള്ള രണ്ട് ഐപിഎസ് ഓഫിസര്മാരും ഉണ്ടാകും. എന്നാല് അവര് തമിഴ്നാട് സ്വദേശികള് ആകരുതെന്നും ഐജി റാങ്കിൽ ഉള്ളവരാകണമെന്നും കോടതി നിര്ദേശിച്ചു. ജസ്റ്റിസുമാരായ ജെകെ മഹേശ്വരി, എന്വി അഞ്ജരിയ എന്നിവരടങ്ങിയ ബെഞ്ചിന്റേതാണ് ഉത്തരവ്.ടിവികെയുടെ ഹര്ജിയിലാണ് നടപടി. കോടതിയുടെ മേല്നോട്ടത്തിലാകും സിബിഐ അന്വേഷണം പുരോഗമിക്കുക. കരൂരിലെ തിക്കിലും തിരക്കിലും പെട്ട് അന്വേഷണം നടത്തുന്നതുമായി ബന്ധപ്പെട്ട് വിജയിയുടെ ടിവികെ (തമിഴക വെട്രി കഴകം), മരിച്ച ഇരകളുടെ കുടുംബങ്ങൾ, മറ്റ് കക്ഷികൾ എന്നിവരുൾപ്പെടെയുള്ള കക്ഷികൾ സമർപ്പിച്ച വിവിധ ഹർജികളിൽ സുപ്രീംകോടതി നേരത്തെ ഉത്തരവ് മാറ്റിവച്ചിരുന്നു.ടിവികെയ്ക്കും അതിന്റെ മേധാവി വിജയ്ക്കുമെതിരെ തമിഴ്നാട് അഡിഷണൽ അഡ്വക്കേറ്റ് ജനറൽ ഉന്നയിച്ച സ്ഥിരീകരിക്കാത്ത ആരോപണങ്ങളുടെ അടിസ്ഥാനത്തിലാണ് ഹൈക്കോടതി എസ്ഐടിക്ക് ഉത്തരവിട്ടതെന്ന് ടിവികെയ്ക്ക് വേണ്ടി ഹാജരായ മുതിർന്ന അഭിഭാഷകരായ ഗോപാൽ സുബ്രഹ്മണ്യവും ആര്യമ സുന്ദരവും വാദിച്ചു. മുതിർന്ന അഭിഭാഷകർക്കൊപ്പം, അഭിഭാഷകരായ ദീക്ഷിത ഗോഹിൽ, പ്രഞ്ജൽ അഗർവാൾ, രൂപാലി സാമുവൽ, യാഷ് എസ് വിജയ് എന്നിവരും ടിവികെയ്ക്ക് വേണ്ടി ഹാജരായി.