ലാഭേച്ഛയോടെ പ്രവർത്തിക്കരുത് ': കോൺഗ്രസ് ബെസ്റ്റ് പുനരുജ്ജീവന പ്രകടന പത്രിക പുറത്തിറക്കി

മുംബൈ: ബ്രിഹൻമുംബൈ മുനിസിപ്പൽ കോർപ്പറേഷൻ (ബിഎംസി) തിരഞ്ഞെടുപ്പിന് പത്ത് ദിവസം മുമ്പ്, ഇന്ത്യൻ നാഷണൽ കോൺഗ്രസ് (ഐഎൻസി) മുംബൈ യൂണിറ്റ്  ബ്രിഹൻമുംബൈ ഇലക്ട്രിക് സപ്ലൈ ആൻഡ് ട്രാൻസ്പോർട്ട് (ബെസ്റ്റ്) സംരംഭത്തെ പുനരുജ്ജീവിപ്പിക്കുന്നതിൽ മാത്രം ശ്രദ്ധ കേന്ദ്രീകരിച്ചുള്ള ഒരു പ്രകടന പത്രിക പുറത്തിറക്കി.'ബെസ്റ്റ് റിവൈവൽ: 9-പോയിന്റ് ആക്ഷൻ പ്ലാൻ 'എന്ന് പേരിട്ടിരിക്കുന്ന ഈ രേഖ "മിഷൻ ബെസ്റ്റ് ബച്ചാവോ" എന്ന ബാനറിൽ കോൺഗ്രസ് നേതാക്കളായ സച്ചിൻ സാവന്തും എംപിയും മുംബൈ പ്രദേശ് കോൺഗ്രസ് കമ്മിറ്റി പ്രസിഡന്റുമായ വർഷ ഗെയ്ക്‌വാദും ചേർന്ന് പുറത്തിറക്കി.ബെസ്റ്റിനെ അത്യാവശ്യ പൊതു സേവനമായി വിശേഷിപ്പിച്ച കോൺഗ്രസ്, ലാഭേച്ഛയോടെ സിവിൽ ട്രാൻസ്‌പോർട്ട് സ്ഥാപനം നടത്തരുതെന്ന് പറഞ്ഞു. ചെലവ് വർധിക്കുന്നതും, സേവന വെട്ടിക്കുറവുകളും, വിശ്വാസ്യത കുറയുന്നതും കാരണം നിലവിലെ അഡ്മിനിസ്ട്രേറ്റർ നയിക്കുന്ന സംവിധാനവും സ്വകാര്യ കരാറുകാരെ കൂടുതലായി ആശ്രയിക്കുന്നതുമാണ് കാരണമെന്ന് പാർട്ടി കുറ്റപ്പെടുത്തി.

ബെസ്റ്റിന്റെ എല്ലാ പ്രവർത്തന ചെലവുകളും ബിഎംസി നേരിട്ട് വഹിക്കണമെന്നും പാർക്കിംഗ് ഫീസ്, മറ്റ് മുനിസിപ്പൽ ചാർജുകൾ എന്നിവയിലൂടെ അധിക ഫണ്ട് സമാഹരിക്കണമെന്നും പ്രകടന പത്രിക നിർദ്ദേശിക്കുന്നു. പൊതു ഹിയറിംഗും ഒരു സ്വതന്ത്ര കമ്മിറ്റിയുടെ ശുപാർശയും ഇല്ലാതെ ബസ് നിരക്ക് വർദ്ധിപ്പിക്കരുതെന്നും അതിൽ പറയുന്നുണ്ട് .സ്വകാര്യവൽക്കരണം നിർത്തലാക്കുക എന്നതാണ് പദ്ധതിയിലെ ഒരു പ്രധാന വാഗ്ദാനം. മൂന്ന് വർഷത്തിനുള്ളിൽ എല്ലാ പുതിയ വെറ്റ്-ലീസ് (Wet Lease) , സ്വകാര്യ കരാറുകളും നിർത്തലാക്കുമെന്നും പ്രവർത്തനങ്ങൾ, അറ്റകുറ്റപ്പണികൾ, ജീവനക്കാരെ പൂർണ്ണമായും ബെസ്റ്റിന് കീഴിൽ കൊണ്ടുവരുമെന്നും കോൺഗ്രസ് പറയുന്നു..വരുമാനത്തിലെ ഇടിവ്, ചെലവിലെ വർദ്ധനവ്, സ്വകാര്യ ഓപ്പറേറ്റർമാരുടെ പ്രകടനം എന്നിവ പരിശോധിക്കുന്നതിന് സിഎജി അംഗീകരിച്ച ഒരു സ്വതന്ത്ര ഓഡിറ്റ് നടത്തണമെന്നും അവർ ആവശ്യപ്പെട്ടിട്ടുണ്ട്.

2017 ന് ശേഷം നിർത്തലാക്കിയ ദീർഘദൂര, നഗരാന്തര റൂട്ടുകൾ പുനഃസ്ഥാപിക്കുന്നതിനും യാത്രക്കാരുടെ സർവേകളുടെ അടിസ്ഥാനത്തിൽ പുതിയ കിഴക്ക്-പടിഞ്ഞാറ്, തുറമുഖ പാതകകളിലൂടെയുള്ള സർവീസ്  ആരംഭിക്കുമെന്നും പ്രകടന പത്രിക പറയുന്നു..ബെസ്റ്റ് ഡിപ്പോ ഭൂമി വിൽക്കുന്നതിനോ വാണിജ്യ വികസനത്തിനോ അനുവദിക്കില്ല.  എല്ലാ ഡിപ്പോകളും ഗതാഗതവുമായി ബന്ധപ്പെട്ട ഉപയോഗത്തിനായി മാത്രം നീക്കിവയ്ക്കണമെന്നും മുൻകാല ഭൂമി ഇടപാടുകൾ ഓഡിറ്റ് ചെയ്യണമെന്നും പ്രകടനപത്രികയിലുണ്ട് .യാത്രക്കാരുടെ സുരക്ഷകാര്യങ്ങൾ , തകരാറുകൾ, തീപിടുത്തങ്ങൾ, പരാതികൾ സ്വീകരിക്കുന്നതിനും  ,  ബസുകളുടെ ദൈനംദിന പരിശോധനകൾ, ഇലക്ട്രിക് ബസുകളുടെ പതിവ് അഗ്നി സുരക്ഷാ പരിശോധനകൾ എന്നിവയ്ക്കായി  ഒരു പൊതു പോർട്ടൽ ആരംഭിക്കുമെന്നും കോൺഗ്രസ്സ്  വാഗ്ദാനം ചെയ്തിട്ടുണ്ട്.