പീഡന പരാതി ഉന്നയിച്ച യുവതിയെ അപമാനിച്ചെന്ന കേസില് കോണ്ഗ്രസ് വക്താവ് സന്ദീപ് വാര്യരും പ്രതി.
തിരുവനന്തപുരം: രാഹുല് മാങ്കൂട്ടത്തിലിനെതിരെ ലൈംഗിക പീഡന പരാതി ഉന്നയിച്ച യുവതിയെ അപമാനിച്ചെന്ന കേസില് കോണ്ഗ്രസ് വക്താവ് സന്ദീപ് വാര്യരും പ്രതി. മഹിളാ കോണ്ഗ്രസ് പത്തനംതിട്ട ജില്ലാ സെക്രട്ടറി രഞ്ജിത പുളിക്കല്, അഡ്വ. ദീപാ ജോസഫ്, രാഹുല് ഈശ്വറും പ്രതികളാണ്.രാഹുല് ഈശ്വറിനെ സൈബര് പൊലീസ് കസ്റ്റഡിയിലെടുത്ത് ചോദ്യം ചെയ്യുകയാണ്. പരാതിക്കാരിയുടെ വ്യക്തിഗത വിവരങ്ങള് വെളിപ്പെടുത്തുക, സ്ത്രീത്വത്തെ അപമാനിക്കല്, ഭീഷണിപ്പെടുത്തല് അടക്കമുള്ള കുറ്റങ്ങളാണ് ഇവര്ക്കെതിരെ ചുമത്തിയിട്ടുള്ളത്.അതിജീവിതയ്ക്കെതിരായ സൈബര് അതിക്രമത്തിലെ പൊലീസ് നടപടിക്ക് പിന്നാലെയാണ് രാഹുല് ഈശ്വറിനെ കസ്റ്റഡിയില് എടുത്തത്. എ ആര് ക്യാമ്പിലെത്തിച്ചാണ് രാഹുല് ഈശ്വറിനെ ചോദ്യം ചെയ്യുന്നത്. രാഹുല് ഈശ്വറിന്റെ ഫോണ് കസ്റ്റഡിയിലെടുത്തു. ഇലക്ട്രോണിക് ഉപകരണങ്ങളും പിടിച്ചെടുക്കും. രാഹുല് മാങ്കൂട്ടത്തില് ലൈംഗികമായി അതിക്രമിച്ചുവെന്ന് മുഖ്യമന്ത്രിക്ക് പരാതി നല്കിയതിന് പിന്നാലെയാണ് അതിജീവിതക്കെതിരെ സൈബര് ആക്രമണം രൂക്ഷമായത്. ഇതേത്തുടര്ന്ന് യുവതി പരാതി നല്കുകയായിരുന്നു.