പാചക വാതക വില മുകളിലേയ്ക്ക്

ന്യുഡൽഹി : രാജ്യത്ത് പാചകവാതക വിലയിൽ വൻ വർദ്ധനവ്. ഗാർഹിക ആവശ്യങ്ങൾക്കുള്ള 14.2 കിലോഗ്രാം സിലിണ്ടറിന് 60 രൂപയാണ് വർദ്ധിപ്പിച്ചത്. പുതുക്കിയ നിരക്കുകൾ ഇന്ന് മുതൽ പ്രാബല്യത്തിൽ വന്നു. ഇതോടെ കൊച്ചിയിൽ ഒരു ഗാർഹിക സിലിണ്ടറിന്റെ വില 920 രൂപയായി ഉയർന്നു.ഗാർഹിക സിലിണ്ടറിന് പുറമെ വാണിജ്യ സിലിണ്ടറുകൾക്കും വില കൂട്ടിയിട്ടുണ്ട്. 19 കിലോയുടെ വാണിജ്യ സിലിണ്ടറിന് 115 രൂപയാണ് വർദ്ധിപ്പിച്ചത്. ഇതോടെ ഡൽഹിയിൽ വാണിജ്യ സിലിണ്ടർ വില 1,883 രൂപയിലെത്തി. ഹോട്ടൽ മേഖലയ്ക്കും ചെറുകിട വ്യവസായ സംരംഭകർക്കും ഈ വിലവർദ്ധനവ് കനത്ത തിരിച്ചടിയാകും

പ്രധാന നഗരങ്ങളിലെ പുതുക്കിയ നിരക്കുകൾ 

| നഗരം | ഗാർഹിക സിലിണ്ടർ (14.2 kg) | വാണിജ്യ സിലിണ്ടർ (19 kg) |

ഡൽഹി        913.00 -    1,883.00 

മുംബൈ       912.50   -  1,835.00

കൊൽക്കത്ത- 939.00 -    1,990.00

ചെന്നൈ -       928.50 -   2,043.50

വില വർദ്ധനവിന് പിന്നിൽ പശ്ചിമേഷ്യൻ സംഘർഷം 

പശ്ചിമേഷ്യയിലെ യുദ്ധഭീതിയെത്തുടർന്ന് അന്താരാഷ്ട്ര വിപണിയിൽ ക്രൂഡ് ഓയിൽ വിലയിലുണ്ടായ മാറ്റങ്ങളാണ് ആഭ്യന്തര വിപണിയിലും പ്രതിഫലിച്ചതെന്നാണ് എണ്ണക്കമ്പനികളുടെ വിശദീകരണം. എന്നാൽ രാജ്യത്ത് ഇന്ധനക്ഷാമം ഇല്ലെന്ന് കേന്ദ്ര പെട്രോളിയം മന്ത്രി ഹർദീപ് സിംഗ് പുരി വ്യക്തമാക്കി. റഷ്യയിൽ നിന്നുള്ള ഇറക്കുമതി വർദ്ധിപ്പിച്ചതും അമേരിക്കയിൽ നിന്ന് എൽപിജി എത്തിച്ചു തുടങ്ങിയതും ഇന്ത്യയുടെ ഊർജ്ജ സുരക്ഷ ഉറപ്പാക്കുമെന്ന് അധികൃതർ അറിയിച്ചു.