നടൻ ധർമ്മേന്ദ്ര ആശുപത്രി വിട്ടു ,ചികിത്സ ഇനി വീട്ടിൽ

 മുംബൈ: 89 കാരനായ ബോളിവുഡ് ചലച്ചിത്രതാരം ധർമ്മേന്ദ്രയെ ബുധനാഴ്ച മുംബൈയിലെ ബ്രീച്ച് കാൻഡി ആശുപത്രിയിൽ നിന്ന് ഡിസ്ചാർജ് ചെയ്തു. ശ്വാസതടസ്സം അനുഭവപ്പെട്ടതിനെ തുടർന്ന് ഒക്ടോബർ 31 നായിരുന്നു  നടനെ ആശുപത്രിയിൽ പ്രവേശിപ്പിച്ചിരുന്നത്.

 ധർമ്മേന്ദ്രയെ ആശുപത്രിയിൽ ചികിത്സിച്ചിരുന്ന ഡോ. പ്രൊഫ. പ്രതിത് സാംദാനി,  നടൻ്റെ  ചികിത്സ "വീട്ടിൽ തന്നെ തുടരുമെന്ന്"  സ്ഥിരീകരിച്ചു. 

"ഇന്ന് രാവിലെ 7.30 ഓടെ ധർമ്മേന്ദ്രജി ആശുപത്രിയിൽ നിന്ന് ഡിസ്ചാർജ് ചെയ്യപ്പെട്ടു. കുടുംബം അദ്ദേഹത്തിന് വീട്ടിൽ ചികിത്സ നൽകാൻ തീരുമാനിച്ചതിനാൽ അദ്ദേഹത്തിന് വീട്ടിൽ തന്നെ ചികിത്സ തുടരും ," ബ്രീച്ച് കാൻഡി ആശുപത്രിയിലെ ഡോ. പ്രൊഫ. പ്രതിത് സംദാനി  മാധ്യമങ്ങളെ അറിയിച്ചു.

"ധർമ്മേന്ദ്ര ആശുപത്രിയിൽ നിന്ന് ഡിസ്ചാർജ് ചെയ്യപ്പെട്ടു, വീട്ടിൽ ചികിത്സ തുടരും. ഈ സമയത്ത് കൂടുതൽ ഊഹാപോഹങ്ങളിൽ നിന്ന് വിട്ടുനിൽക്കാനും അദ്ദേഹത്തിന്റെയും കുടുംബത്തിന്റെയും സ്വകാര്യതയെ മാനിക്കാനും ഞങ്ങൾ മാധ്യമങ്ങളോടും പൊതുജനങ്ങളോടും അഭ്യർത്ഥിക്കുന്നു. എല്ലാവരുടെയും സ്നേഹത്തിനും പ്രാർത്ഥനകൾക്കും അദ്ദേഹത്തിന്റെ തുടർച്ചയായ സുഖം, നല്ല ആരോഗ്യം, ദീർഘായുസ്സ് എന്നിവയ്ക്കും ഞങ്ങൾ നന്ദി പറയുന്നു. ദയവായി അദ്ദേഹത്തെ ബഹുമാനിക്കുക, കാരണം അദ്ദേഹം നിങ്ങളെ സ്നേഹിക്കുന്നു."- ധർമ്മേന്ദ്രയുടെ ഭാര്യ ഹേമമാലിനി സാമൂഹ്യമാധ്യമത്തിലൂടെ അറിയിച്ചു.