തെരഞ്ഞെടുപ്പ് കമ്മീഷൻ ബിജെപിയുടെ 'വിപുലീകരിച്ച ശാഖ'; എംപി സഞ്ജയ് റാവത്ത്

മുംബൈ :തെരഞ്ഞെടുപ്പ് കമ്മീഷൻ ബിജെപിയുടെ 'വിപുലീകരിച്ച ശാഖ' യെന്ന്  ശിവസേന (യുബിടി) എംപി സഞ്ജയ് റാവത്ത്. പശ്ചിമ ബംഗാൾ, കേരളം, തമിഴ്‌നാട്, അസം, പുതുച്ചേരി എന്നിവിടങ്ങളിലെ വരാനിരിക്കുന്ന നിയമസഭാ തെരഞ്ഞെടുപ്പുകളുടെ തിരഞ്ഞെടുപ്പ് തീയതികൾ പ്രഖ്യാപിക്കുന്നതിനുള്ള ഇസിഐയുടെ പത്രസമ്മേളനം "ബിജെപി ഓഫീസിൽ നടന്നേക്കാം" എന്ന് അദ്ദേഹം വിമർശിച്ചു.ഇസിഐ ബിജെപിക്ക് വേണ്ടി പ്രവർത്തിക്കുന്നു തെരഞ്ഞെടുപ്പ് കമ്മീഷൻ്റെ പത്രസമ്മേളനം എവിടെ നടക്കുമെന്ന് എനിക്കറിയില്ല. ഒരുപക്ഷേ ബിജെപി ഓഫീസിൽ നടന്നേക്കാം. തെരഞ്ഞെടുപ്പ് കമ്മീഷൻ ബിജെപിയുടെ ഒരു വിപുലീകൃത ശാഖയാണ്. ഇവർ ബിജെപിക്ക് വേണ്ടി പ്രവർത്തിക്കുന്ന ആളുകളാണെന്നും എംപി സഞ്ജയ് റാവത്ത് വിമർശിച്ചു.

 "മോഡൽ പെരുമാറ്റച്ചട്ടം അല്ല മോഡിയുടെ പ്രചാരണച്ചട്ടം എന്നാണ്'' :കമ്മീഷനെ വിമർശിച്ച് ജയറാം രമേശ്

ന്യുഡൽഹി :മോഡൽ പെരുമാറ്റച്ചട്ടം അല്ല "മോഡിയുടെ പ്രചാരണച്ചട്ടം" ആണെന്ന് പരിഹസിച്ച് കോൺഗ്രസ് ജനറൽ സെക്രട്ടറി ഇൻ-ചാർജ് കമ്മ്യൂണിക്കേഷൻസ് മേധാവി ജയറാം രമേശ്. എക്‌സിലൂടെയാണ് വിമർശനം. 2026 ലെ നിയമസഭാ തിരഞ്ഞെടുപ്പിനുള്ള വിവരങ്ങള്‍ ഇന്ന് വൈകുന്നേരം  തെരഞ്ഞെടുപ്പ് കമ്മീഷൻ പ്രഖ്യാപിക്കും.ജിയുടെ ഉദ്ഘാടനങ്ങൾ, റിബൺ മുറിക്കൽ, ഫ്ലാഗ്-ഓഫുകൾ, ലോഞ്ചുകൾ എന്നിവയുടെ ഈ റൗണ്ട് പൂർത്തിയാക്കിയതിനാൽ ജി കമ്മിഷന് അനുമതി നൽകിയിട്ടുണ്ട്. തെരഞ്ഞെടുപ്പ് കമ്മീഷൻ്റെ മാതൃകാ പെരുമാറ്റച്ചട്ടം (എംസിസി) ഉടൻ പ്രാബല്യത്തിൽ വരും. എന്നാൽ 2014 മുതൽ ഇത് മോദിയുടെ പ്രചാരണച്ചട്ടത്തിന് പകരമായി മാറിയിരിക്കുന്നുവെന്നും ജയറാം രമേശ് വിമർശിച്ചു.

"തെരഞ്ഞെടുപ്പ് തീയ്യതി പ്രഖ്യാപിക്കുന്നതിന് തൊട്ടുപിന്നാലെ സ്ഥാനാർത്ഥികളെ പ്രഖ്യാപിക്കും"  രമേശ് ചെന്നിത്തല

തൃശ്ശൂർ: നിയമസഭാ തെരഞ്ഞെടുപ്പ് പ്രഖ്യാപിക്കുന്നതിന് തൊട്ടുപിന്നാലെ സ്ഥാനാർത്ഥികളെ പ്രഖ്യാപിക്കുമെന്ന് മുതിർന്ന കോൺഗ്രസ് നേതാവ് രമേശ് ചെന്നിത്തല. കോൺഗ്രസ് തയ്യാറാണ്. എല്ലാം സെറ്റാണെന്നും അദ്ദേഹം ഗുരുവായൂരിൽ പറഞ്ഞു. തെരഞ്ഞെടുപ്പ് പ്രഖ്യാപിക്കാൻ വൈകിയതാണ് സ്ഥാനാർത്ഥി പ്രഖ്യാപനത്തിനും താമസം ഉണ്ടാക്കിയതെന്നും ചെന്നിത്തല പറഞ്ഞു.എംപിമാർ മത്സരിക്കണോയെന്ന് ഹൈക്കമാൻഡ് തീരുമാനിക്കും. ഒരാൾ തെരഞ്ഞെടുപ്പിൽ മത്സരിക്കാൻ ആഗ്രഹം പ്രകടിപ്പിക്കുന്നത് തെറ്റല്ല. പക്ഷേ പാർട്ടിയാണ് അന്തിമ തീരുമാനം പ്രഖ്യാപിക്കേണ്ടത്. മത്സരിക്കുമെന്ന് ആരും പ്രഖ്യാപിച്ചിട്ടില്ല. കെ സുധാകരൻ ഡൽഹിയിൽ വരും. പ്രശ്നങ്ങൾ ഒന്നുമില്ലെന്നും യുഡിഎഫിന്റെ വിജയസാധ്യതകളെ ബാധിക്കില്ലെന്നും ചെന്നിത്തല പറഞ്ഞു.

https://www.worldm.news/national/ec-to-announce-assembly--22535