വ്യാജ NCERT പുസ്തകങ്ങൾ വിതരണം ചെയ്യുന്ന റാക്കറ്റ് ഡൽഹിയിൽ പിടിയിൽ

 ന്യുഡൽഹി :വ്യാജ NCERT പുസ്തകങ്ങൾ വിതരണം ചെയ്യുന്ന റാക്കറ്റ് ഡൽഹിയിൽ പിടിയിൽ.മധ്യ ഡൽഹിയിലെ ദര്യഗഞ്ചിലെ ഒരു ഗോഡൗണിൽ നടത്തിയ റെയ്ഡിൽ എൻ‌സി‌ആർ‌ടി പുസ്തകങ്ങളുടെ വ്യാജ വിതരണ റാക്കറ്റിനെ പോലീസ് പിടികൂടിയത്.രണ്ട് പേരെ അറസ്റ്റ് ചെയ്തതായി ഉദ്യോഗസ്ഥർ വ്യാഴാഴ്ച അറിയിച്ചു.എൻ‌സി‌ഇ‌ആർ‌ടി പ്രതിനിധികൾക്കൊപ്പം നടത്തിയ പരിശോധനയിൽ 12,755 വ്യാജ എൻ‌സി‌ഇ‌ആർ‌ടി പുസ്തകങ്ങൾ പിടിച്ചെടുത്തു.യമുന വിഹാറിലെ താമസക്കാരനായ കനിഷ്ക് (32), പ്രീത് വിഹാറിലെ താമസക്കാരനായ വിനോദ് ജെയിൻ (65) എന്നിവരാണ് അറസ്റ്റിലായത്. നവംബർ 10 ന് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് റെയ്ഡ് നടത്തിയത്. പ്രതികളെ അറസ്റ്റ് ചെയ്ത് ഭാരതീയ ന്യായ സംഹിത, 1957 ലെ പകർപ്പവകാശ നിയമം എന്നിവ പ്രകാരം കേസ് രജിസ്റ്റർ ചെയ്തു.അന്വേഷണത്തിൽ, കനിഷ്‌ക് ഡൽഹി സർവകലാശാലയിൽ നിന്ന് ബിരുദം നേടിയ ആളാണെന്നും അയാൾക്ക് മുമ്പ് ക്രിമിനൽ പശ്ചാത്തലമില്ലെന്നും കണ്ടെത്തി. പന്ത്രണ്ടാം ക്ലാസ് വരെ പഠിച്ച വിനോദ് ജെയിൻ കഴിഞ്ഞ വർഷം ക്രൈംബ്രാഞ്ചിൽ രജിസ്റ്റർ ചെയ്ത സമാനമായ ഒരു കേസിൽ ഉൾപ്പെട്ടിട്ടുണ്ടെന്ന് പോലീസ് പറഞ്ഞു.

കഴിഞ്ഞ മെയ്‌മാസം വ്യാജ പാഠപുസ്തക റാക്കറ്റുമായി ബന്ധമുള്ള  അച്ഛനെയും മകനെയും ഡൽഹി പോലീസ് അറസ്റ്റ് ചെയ്‌തിരുന്നു .ഇവരിൽ നിന്ന് 2.4 കോടി രൂപ വിലമതിക്കുന്ന 170,000-ത്തിലധികം വ്യാജ എൻ‌സി‌ആർ‌ടി പുസ്തകങ്ങളാണ്  പിടിച്ചെടുത്തിരുന്നത്. മണ്ടോളി റോഡിലെ രാം നഗറിലുള്ള  ഒരു കടയുടെ നടത്തിപ്പുകാരായ പ്രശാന്ത് ഗുപ്ത (48), മകൻ നിഷാന്ത് ഗുപ്ത (26) എന്നിവരാണ് അന്ന് അറസ്റ്റിലായത്.