മുൻ പൂനെ എംപിയും കേന്ദ്രമന്ത്രിയുമായിരുന്ന സുരേഷ് കൽമാഡി അന്തരിച്ചു

 മുംബൈ: പൂനെയുടെ വികസനത്തിൽ നിർണായക പങ്കുവഹിച്ച മുൻ പൂനെ എംപി സുരേഷ് കൽമാഡി അന്തരിച്ചു.ഇന്ന് രാവിലെ  നഗരത്തിലെ ഒരു സ്വകാര്യ ആശുപത്രിയിൽ ചികിത്സയിലിരിക്കെയാണ് അന്ത്യം . അദ്ദേഹത്തിന് 80 വയസ്സായിരുന്നു..കൽമാഡി ആദ്യമായി 1980 ൽ കോൺഗ്രസ് (എസ്) എംപിയായി രാജ്യസഭയിലേക്ക് തിരഞ്ഞെടുക്കപ്പെട്ടു. തുടർന്ന് 1986 ൽ അദ്ദേഹം വീണ്ടും രാജ്യസഭയിലേക്ക് തിരഞ്ഞെടുക്കപ്പെട്ടു. മൂന്നാം തവണയും 1992 ൽ അദ്ദേഹം രാജ്യസഭയിലേക്ക് തിരഞ്ഞെടുക്കപ്പെട്ടു. 1996 ലും പിന്നീട് 2004 ലും 2009 ലും ലോക്‌സഭാ എംപിയായി തിരഞ്ഞെടുക്കപ്പെട്ടു. 1998 ലെ ലോക്‌സഭാ തിരഞ്ഞെടുപ്പിൽ ബിജെപിയുടെയും ശിവസേനയുടെയും പിന്തുണയോടെ പൂനെ വികാസ് അഘാഡി സ്ഥാനാർത്ഥിയായി അദ്ദേഹം പരാജയപ്പെട്ടു. 2010ലെ  കോമൺവെൽത്ത് ഗെയിംസ് ,(ഡൽഹി ഗെയിംസ്)സംഘാടക സമിതി ചെയർമാനായിരുന്നകാലത്ത്  കണ്ടെത്തിയ അഴിമതിയുടേയും കെടുകാര്യസ്ഥതയുടെയും പേരിൽ അദ്ദേഹത്തിനെ  അറസ്റ്റ് ചെയ്‌തിരുന്നു .  തുടർന്ന് 2011 ൽ കൽമാഡിയെ കോൺഗ്രസ് പാർട്ടിയിൽ നിന്ന് സസ്‌പെൻഡ് ചെയ്‌തിരുന്നു .

“കുംഭകോണവുമായി ബന്ധപ്പെട്ട മിക്ക കേസുകളിലും അദ്ദേഹം കുറ്റവിമുക്തനാക്കപ്പെട്ടു. ഒരു കേസ് മാത്രമേ തീർപ്പുകൽപ്പിക്കാനുണ്ടായിരുന്നുള്ളൂ,” കോൺഗ്രസ് നഗര വക്താവ് രമേശ് അയ്യർ പറഞ്ഞു.."1992-ൽ പൂനെ മുനിസിപ്പൽ കോർപ്പറേഷനിലേക്ക് തിരഞ്ഞെടുക്കപ്പെട്ട ഒരു യുവ കോർപ്പറേറ്റർമാരുടെ സംഘവുമായി കൽമാഡി പാർട്ടിയെ നയിച്ചപ്പോഴാണ് പൂനെയുടെ യഥാർത്ഥ വികസനം ആരംഭിച്ചത്... അദ്ദേഹം നിരവധി വികസന പദ്ധതികൾ നടപ്പാക്കി. 1992-ൽ പൂനെയിൽ ദേശീയ ഗെയിംസ് സംഘടിപ്പിക്കാൻ മുൻകൈയെടുത്തത് കൽമാഡിയായിരുന്നു, ഇത് നഗരത്തിന്റെ വികസനത്തിന് കൂടുതൽ ഉത്തേജനം നൽകി," അയ്യർ പറഞ്ഞു.സാംസ്കാരിക മേഖലയിലും കൽമാഡി നിർണായക പങ്ക് വഹിച്ചു.ഗണേശോത്സവത്തോടനുബന്ധിച്ച് നടക്കുന്ന 'പൂനെ ഫെസ്റ്റിവൽ' ആരംഭിച്ചത് അദ്ദേഹമാണ്, ലോകമെമ്പാടും നിന്ന് ജനക്കൂട്ടത്തെ ആകർഷിക്കുന്നവ്യത്യസ്ത മാനങ്ങളുള്ള ഒരു പരിപാടിയായിരുന്നു അത്..കോൺഗ്രസിൽ നിന്ന് സസ്‌പെൻഡ് ചെയ്തതിനു ശേഷം കൽമാഡിയ്ക്ക് വലിയ രാഷ്‌ട്രീയ  പ്രതിസന്ധിയിഉണ്ടായി. പൊതുജനങ്ങളിൽ നിന്ന് അദ്ദേഹം അകന്നു നിന്നു.

“സജീവ രാഷ്ട്രീയത്തിൽ നിന്നുള്ള അദ്ദേഹത്തിന്റെ തിരോധാനമാണ് പൂനെയിൽ കോൺഗ്രസിനെ താഴെയിറക്കിയത്. കൽമാഡി നേതൃത്വംഒഴിഞ്ഞ കാലത്ത്  പൂനെ ലോക്‌സഭ, നിയമസഭാ, തദ്ദേശ സ്വയംഭരണ തെരഞ്ഞെടുപ്പുകളിൽ കോൺഗ്രസ് മോശം പ്രകടനം കാഴ്ചവച്ചു,” ഒരു കോൺഗ്രസ് നേതാവ് പറഞ്ഞു.കൽമാഡിക്ക് ഭാര്യയും രണ്ട് പെൺമക്കളും മകനും പേരക്കുട്ടികളുമുണ്ട്.

അദ്ദേഹത്തിന്റെ സംസ്കാരം വൈകുന്നേരം 3 മണിക്ക് വൈകുണ്ഠ് ശ്മശാനത്തിൽ നടക്കുമെന്ന് കോൺഗ്രസ് നേതാക്കൾ അറിയിച്ചു.