കണ്ണൂരിൽ നിന്ന് നവി മുംബൈയിലേക്ക് നേരിട്ടുള്ള വിമാന സർവീസ് ഇൻഡിഗോ ആരംഭിക്കുന്നു

മട്ടന്നൂർ: കണ്ണൂർ രാജ്യാന്തര വിമാനത്താവളത്തിൽ നിന്ന് നവി മുംബൈയിലേക്ക് നേരിട്ടുള്ള വിമാന സർവീസ് ആരംഭിക്കുന്നു. പ്രമുഖ വിമാനക്കമ്പനിയായ ഇൻഡിഗോ (IndiGo) ആണ് 2026 ഏപ്രിൽ മുതൽ സർവീസ് തുടങ്ങുന്നത്. ഇതോടെ നവി മുംബൈ വിമാനത്താവളത്തിൽ നിന്ന് കണ്ണൂരിലേക്ക് സർവീസ് നടത്തുന്ന ആദ്യ വിമാനക്കമ്പനിയായി ഇൻഡിഗോ മാറും.

 കണ്ണൂരിനും നവി മുംബൈയ്ക്കും ഇടയിൽ ദിവസേന സർവീസുകൾ ഉണ്ടായിരിക്കുമെന്നും ടിക്കറ്റ് ബുക്കിങ്: സർവീസിനായുള്ള ടിക്കറ്റ് ബുക്കിങ് വരും ദിവസങ്ങളിൽ തന്നെ ആരംഭിക്കുമെന്നും ഇൻഡിഗോ വൃത്തങ്ങൾ അറിയിച്ചു. മുംബൈ വിമാനത്താവളത്തിലേക്ക് നിലവിൽ ആഴ്‌ചയിൽ 4 ദിവസമാണ് ഇൻഡിഗോ സർവീസ് നടത്തുന്നത്. ഇതിന് പുറമെയാകും പുതിയ നവി മുംബൈ സർവീസ്.നവി മുംബൈയിലെ പുതിയ വിമാനത്താവളം പ്രവർത്തനസജ്ജമാകുന്നതോടെ മലബാറിൽ നിന്നുള്ള പ്രവാസികൾക്കും ബിസിനസ് യാത്രക്കാർക്കും ഈ സർവീസ് വലിയ ആശ്വാസമാകും. മുംബൈയിലെ വിവിധ ഭാഗങ്ങളിലേക്ക് വളരെ എളുപ്പത്തിൽ എത്തിച്ചേരാൻ പുതിയ റൂട്ട് സഹായിക്കും