"മുംബൈ വൺ" - സംയോജിത മൊബൈൽ ആപ്പ് ഇന്ന് പ്രധാനമന്ത്രി ഉദ്ഘാടനം ചെയ്യും

മുംബൈ: മെട്രോ, മോണോറെയിൽ, സബർബൻ റെയിൽവേകൾ, ബസ് പി.ടി.ഒകൾ എന്നിവയിലുടനീളമുള്ള 11 പൊതുഗതാഗത ഓപ്പറേറ്റർമാർ (പി.ടി.ഒ)ക്കായുള്ള "മുംബൈ വൺ" - ഇന്റഗ്രേറ്റഡ് കോമൺ മൊബിലിറ്റി ആപ്പ്  ഇന്ന്  പ്രധാനമന്ത്രി ഉദ്ഘാടനം ചെയ്യും. മുംബൈ മെട്രോ ലൈൻ 2എ, 7, മുംബൈ മെട്രോ ലൈൻ 3, മുംബൈ മെട്രോ ലൈൻ 1, മുംബൈ മോണോറെയിൽ, നവി മുംബൈ മെട്രോ, മുംബൈ സബർബൻ റെയിൽവേ, ബ്രിഹൻമുംബൈ ഇലക്ട്രിക് സപ്ലൈ ആൻഡ് ട്രാൻസ്പോർട്ട് (ബെസ്റ്റ്), താനെ മുനിസിപ്പൽ ട്രാൻസ്പോർട്ട്, മീര ഭയന്ദർ മുനിസിപ്പൽ ട്രാൻസ്പോർട്ട്, കല്യാൺ ഡോംബിവലി മുനിസിപ്പൽ ട്രാൻസ്പോർട്ട്, നവി മുംബൈ മുനിസിപ്പൽ ട്രാൻസ്പോർട്ട് എന്നിവ ഇതിൽ ഉൾപ്പെടുന്നു.

ഒന്നിലധികം പൊതുഗതാഗത ഓപ്പറേറ്റർമാരിൽ സംയോജിത മൊബൈൽ ടിക്കറ്റിംഗ്, ഡിജിറ്റൽ ഇടപാടുകൾ പ്രോത്സാഹിപ്പിക്കുന്നതിലൂടെ ക്യൂ ഒഴിവാക്കൽ, ഒന്നിലധികം ഗതാഗത മോഡുകൾ ഉൾപ്പെടുന്ന യാത്രകൾക്കായി ഒരൊറ്റ  ടിക്കറ്റിലൂടെ തടസ്സമില്ലാത്ത മൾട്ടിമോഡൽ കണക്റ്റിവിറ്റി എന്നിവയുൾപ്പെടെ നിരവധി ആനുകൂല്യങ്ങൾ മുംബൈ വൺ ആപ്പ് യാത്രക്കാർക്ക് വാഗ്ദാനം ചെയ്യുന്നു. കാലതാമസം, ബദൽ റൂട്ടുകൾ, കണക്കാക്കിയ എത്തിച്ചേരൽ സമയങ്ങൾ എന്നിവയെക്കുറിച്ചുള്ള തത്സമയ യാത്രാ അപ്‌ഡേറ്റുകൾ, സമീപത്തുള്ള സ്റ്റേഷനുകൾ, താൽപ്പര്യമുള്ള സ്ഥലങ്ങൾ എന്നിവയെക്കുറിച്ചുള്ള മാപ്പ് അധിഷ്ഠിത വിവരങ്ങൾ, യാത്രക്കാരുടെ സുരക്ഷ ഉറപ്പാക്കുന്നതിനുള്ള ഒരു SOS സവിശേഷത എന്നിവയും ഇത് നൽകുന്നു. ഈ സവിശേഷതകൾ ഒരുമിച്ച്, സൗകര്യം, കാര്യക്ഷമത, സുരക്ഷ എന്നിവ വർദ്ധിപ്പിക്കുകയും മുംബൈയിലുടനീളമുള്ള പൊതുഗതാഗത അനുഭവത്തെ പരിവർത്തനം ചെയ്യുകയും ചെയ്യുന്നു.

മഹാരാഷ്ട്രയിലെ നൈപുണ്യ, തൊഴിൽ, സംരംഭകത്വ, നവീകരണ വകുപ്പിന്റെ ഒരു മുൻനിര സംരംഭമായ ഷോർട്ട്-ടേം എംപ്ലോയബിലിറ്റി പ്രോഗ്രാം (STEP) പ്രധാനമന്ത്രി ഉദ്ഘാടനം ചെയ്യും. തൊഴിൽ സാധ്യത വർദ്ധിപ്പിക്കുന്നതിനായി വ്യവസായ ആവശ്യകതകളുമായി നൈപുണ്യ വികസനം സമന്വയിപ്പിക്കുന്നതിൽ ഒരു പ്രധാന ചുവടുവയ്പ്പായി 400 ഗവൺമെന്റ് ഐടിഐകളിലും 150 ഗവൺമെന്റ് ടെക്നിക്കൽ ഹൈസ്കൂളുകളിലും ഈ പരിപാടി നടപ്പിലാക്കും. സ്ത്രീകൾക്കായി 364 എക്സ്ക്ലൂസീവ് ബാച്ചുകളും ആർട്ടിഫിഷ്യൽ ഇന്റലിജൻസ് (AI), ഇന്റർനെറ്റ് ഓഫ് തിംഗ്സ് (IoT), ഇലക്ട്രിക് വെഹിക്കിൾസ് (EV), സോളാർ, അഡിറ്റീവ് മാനുഫാക്ചറിംഗ് തുടങ്ങിയ വളർന്നുവരുന്ന സാങ്കേതിക കോഴ്സുകളിൽ 408 ബാച്ചുകളും ഉൾപ്പെടെ 2,500 പുതിയ പരിശീലന ബാച്ചുകൾ STEP സ്ഥാപിക്കും.

പ്രധാനമന്ത്രി മോദിയുടെ ക്ഷണപ്രകാരം, യുകെ പ്രധാനമന്ത്രി കെയർ സ്റ്റാർമർ ഇന്നും നാളെയുമായി  ഇന്ത്യ സന്ദർശിക്കും. പ്രധാനമന്ത്രി സ്റ്റാർമറുടെ ആദ്യ ഔദ്യോഗിക ഇന്ത്യാ സന്ദർശനമാണിത്. വ്യാപാരം, നിക്ഷേപം, സാങ്കേതികവിദ്യ, നവീകരണം, പ്രതിരോധം, സുരക്ഷ, കാലാവസ്ഥ, ഊർജ്ജം, ആരോഗ്യം, വിദ്യാഭ്യാസം, ജനങ്ങൾ തമ്മിലുള്ള ബന്ധം എന്നീ പ്രധാന സ്തംഭങ്ങളിലെ പരിപാടികളുടെയും സംരംഭങ്ങളുടെയും 10 വർഷത്തെ റോഡ് മാപ്പായ 'വിഷൻ 2035' ന് അനുസൃതമായി ഇന്ത്യ-യുകെ സമഗ്ര തന്ത്രപരമായ പങ്കാളിത്തത്തിന്റെ വിവിധ വശങ്ങളിലെ പുരോഗതി സന്ദർശന വേളയിൽ രണ്ട് പ്രധാനമന്ത്രിമാരും വിലയിരുത്തും.ഭാവിയിലെ ഇന്ത്യ-യുകെ സാമ്പത്തിക പങ്കാളിത്തത്തിന്റെ കേന്ദ്ര സ്തംഭമായി ഇന്ത്യ-യുകെ സമഗ്ര സാമ്പത്തിക, വ്യാപാര കരാർ (സിഇടിഎ) അവതരിപ്പിക്കുന്ന അവസരങ്ങളെക്കുറിച്ച് ഇരു നേതാക്കളും ബിസിനസുകാരുമായും വ്യവസായ പ്രമുഖരുമായും ചർച്ചനടത്തും . പ്രാദേശികവും ആഗോളവുമായ പ്രാധാന്യമുള്ള വിഷയങ്ങളിൽ അവർ കാഴ്ചപ്പാടുകൾ കൈമാറും . വ്യവസായ വിദഗ്ധർ, നയരൂപകർത്താക്കൾ, നൂതനാശയക്കാർ എന്നിവരുമായും നേതാക്കൾ ഇടപഴകും. മുംബൈയിലെ ജിയോ വേൾഡ് സെന്ററിൽ നടക്കുന്ന ഗ്ലോബൽ ഫിൻടെക് ഫെസ്റ്റിന്റെ ആറാം പതിപ്പിൽ പ്രധാനമന്ത്രി മോദിയും സ്റ്റാർമറും പങ്കെടുക്കുകയും ചടങ്ങിൽ മുഖ്യ പ്രഭാഷണങ്ങൾ നടത്തുകയും ചെയ്യും.

ഗ്ലോബൽ ഫിൻടെക് ഫെസ്റ്റ് 2025, ലോകമെമ്പാടുമുള്ള നവീനാശയക്കാർ, നയരൂപകർത്താക്കൾ, സെൻട്രൽ ബാങ്കർമാർ, റെഗുലേറ്റർമാർ, നിക്ഷേപകർ, അക്കാദമിസ്റ്റുകൾ , വ്യവസായ പ്രമുഖർ എന്നിവരെ ഒരുമിച്ച് കൊണ്ടുവരും. 'മികച്ച ലോകത്തിനായുള്ള ധനകാര്യ ശാക്തീകരണം' - AI, ഓഗ്മെന്റഡ് ഇന്റലിജൻസ്, ഇന്നൊവേഷൻ, ഇൻക്ലൂഷൻ എന്നിവയാൽ പ്രവർത്തിക്കുന്ന ഈ സമ്മേളനത്തിന്റെ കേന്ദ്ര പ്രമേയം, ധാർമ്മികവും സുസ്ഥിരവുമായ സാമ്പത്തിക ഭാവി രൂപപ്പെടുത്തുന്നതിൽ സാങ്കേതികവിദ്യയുടെയും മനുഷ്യന്റെ ഉൾക്കാഴ്ചയുടെയും സംയോജനത്തെ എടുത്തുകാണിക്കുന്നു. ഈ വർഷത്തെ പതിപ്പിൽ 75-ലധികം രാജ്യങ്ങളിൽ നിന്നുള്ള 100,000-ത്തിലധികം പേർ പങ്കെടുക്കുമെന്ന് പ്രതീക്ഷിക്കുന്നു, ഇത് ലോകത്തിലെ ഏറ്റവും വലിയ ഫിൻടെക് ഒത്തുചേരലുകളിൽ ഒന്നായി മാറുന്നു. ഏകദേശം 7,500 കമ്പനികൾ, 800 പ്രഭാഷകർ, 400 പ്രദർശകർ, ഇന്ത്യൻ, അന്തർദേശീയ അധികാരപരിധികളെ പ്രതിനിധീകരിക്കുന്ന 70 റെഗുലേറ്റർമാർ എന്നിവരുടെ പങ്കാളിത്തം പരിപാടിയിൽ ഉണ്ടാകും. സിംഗപ്പൂരിലെ മോണിറ്ററി അതോറിറ്റി, ജർമ്മനിയിലെ ഡച്ച് ബുണ്ടസ്ബാങ്ക്, ബാങ്ക് ഡി ഫ്രാൻസ്, സ്വിസ് ഫിനാൻഷ്യൽ മാർക്കറ്റ് സൂപ്പർവൈസറി അതോറിറ്റി (FINMA) തുടങ്ങിയ പ്രശസ്ത റെഗുലേറ്റർമാർ പങ്കെടുക്കുന്ന അന്താരാഷ്ട്ര സ്ഥാപനങ്ങളിൽ ഉൾപ്പെടുന്നു. സാമ്പത്തിക നയ സംഭാഷണത്തിനും സഹകരണത്തിനുമുള്ള ഒരു ആഗോള വേദി എന്ന നിലയിൽ ജി.എഫ്.എഫിന്റെ വളർന്നുവരുന്ന നിലവാരത്തെ അവരുടെ പങ്കാളിത്തം അടിവരയിടുന്നു