മുരളിക 2025 : പ്രഥമ സംസ്ഥാന നാടക പുരസ്ക്കാരം പ്രശസ്ത നാടക നടനും, സംവിധായകനുമായ രാജേഷ് ശർമ്മക്ക്.

കോഴിക്കോട് :ചിത്രകലാ അദ്ധ്യാപകനും, ശില്പിയും, നാടകപ്രവർത്തകനുമായ മുരളി ഏറാമലയുടെ ഒന്നാം ചരമവാർഷികാചരണത്തിൻ്റെ ഭാഗമായി ഏർപ്പെടുത്തിയ 'മുരളിക 2025' പ്രഥമ സംസ്ഥാന നാടക പുരസ്കാരത്തിന് നടനും, സംവിധായകനുമായ രാജേഷ് ശർമ്മഅർഹനായി. 10001 രൂപയും, അശോക് കുമാർ സർഗ്ഗാലയ വടകര രൂപ കല്പന ചെയ്ത ശില്പവും പ്രശസ്തിപത്രവും അടങ്ങുന്നതാണ് മുരളികാ പുരസ ക്കാരം.കൊല്ലം ജില്ലക്കാരനാണ് രാജേഷ് ശർമ്മ. സോപാനം പെർഫോമിങ്ങ് സെൻററിൽ നിന്ന് നാടക അഭിനയത്തിൽ പരിശീലനം നേടി. 2012 ൽ ഹയർ സെക്കൻ്ററി വകുപ്പ് നടപ്പാക്കിയ കഥാർസിസ് എന്ന പ്രൊജക്ടിൽ 50 വിദ്യാർത്ഥികളെ പങ്കെടുപ്പിച്ച് അവതരിപ്പിച്ച എൻ്റെ ഗ്രാമകം ഉൾപ്പെടെ നിരവധി നാടകങ്ങൾ സംവിധാനം ചെയ്തു.ശുദ്ധമദ്ദളം ഉൾപ്പെടെ നിരവധി നാടകങ്ങളിൽ അഭിനയിച്ചു. കാൻ ഫെസ്റ്റിവലിൽ പങ്കെടുത്ത ' സൈറ, കുട്ടി സ്രാങ്ക്, അന്നയും റസൂലും ഉൾപ്പെടെ 50 ഓളം സിനിമകളിൽ വൈവിദ്ധ്യമാർന്ന കഥാപാത്രങ്ങൾക്ക് ജീവൻ നല്കി.രാജേന്ദ്രൻ തായാട്ട് ചെയർമാനനും വിനോദ് നരോത്ത്, രമേശ് പുല്ലാപ്പള്ളി, അനിരുദ്ധൻ എട്ടുവീട്ടിൽ, അനിലൻ മാഹി എന്നിവരടങ്ങിയ ജൂറിയാണ് അവാർഡ് ജേതാവിനെ തെരഞ്ഞെടുത്തത് .