മുസ്ലിം ലീഗ് പ്രാദേശിക നേതാവ് ബിജെപിയില് ചേര്ന്നു
കണ്ണൂര്: മുസ്ലിം ലീഗ് പ്രാദേശിക നേതാവ് ബിജെപിയില് ചേര്ന്നു. മുസ്ലിം ലീഗീന്റെ പാനൂർ മുൻസിപ്പൽ കമ്മറ്റി അംഗം ഉമ്മര് ഫറൂഖ് കീഴ്പ്പാറ ആണ് ബിജെപിയില് ചേര്ന്നത്. ബിജെപിയുടെ ദേശീയതയില് ആകൃഷ്ടനായാണ് പാര്ട്ടി മാറിയതെന്നാണ് വിശദീകരണം.
'40 വര്ഷക്കാലം മുസ്ലിം ലീഗിന്റെ പ്രവര്ത്തകനായിരുന്നു. നിലവില് മുസ്ലിം ലീഗ് പ്രാദേശിക തലത്തിലുള്ള പാര്ട്ടി എന്നല്ലാതെ ദേശിയ തലത്തിലേക്ക് ഉയരാനായിട്ടില്ല. ന്യൂനപക്ഷങ്ങള്ക്ക് സംരക്ഷണം ഒരുക്കാനും ആകുന്നില്ല. കൂടുതല്പ്പേര് ബിജെപിയിലേക്ക് വരണം'- ബിജെപിയിൽ ചേർന്ന ഉമ്മർ ഫറൂഖ് പറഞ്ഞു.ബിജെപി കണ്ണൂർ സൗത്ത് ജില്ലാ പ്രസിഡൻ്റ് ബിജു ഏളക്കുഴി അദ്ദേഹത്തെ പാർട്ടിയിലേക്ക് സ്വീകരിച്ചു. സംസ്ഥാന മുഖ്യവക്താവ് ടി പി ജയചന്ദ്രൻ മാസ്റ്റർ, മുൻ ജില്ലാ പ്രസിഡന്റ് എൻ ഹരിദാസ്, തലശ്ശേരി മണ്ഡലം പ്രസിഡൻ്റ് കെ ലിജേഷ് എന്നിവർ സ്വീകരണ ചടങ്ങിൽ പങ്കെടുത്തു