എട്ടാം ക്ലാസ് പാഠപുസ്തകത്തിലെ ജുഡീഷ്യല് അഴിമതി പരാമര്ശo: മാപ്പ് പറഞ്ഞ് എന്സിഇആര്ടി
ന്യൂഡല്ഹി: എട്ടാം ക്ലാസ് പാഠപുസ്തകത്തിലെ ജുഡീഷ്യല് അഴിമതി പരാമര്ശത്തില് മാപ്പ് പറഞ്ഞ് എന്സിഇആര്ടി. വിഷയത്തിൽ സുപ്രീംകോടതി കടുത്ത വിമർശനമുന്നയിച്ചിരുന്നു. ഇതിന് പിന്നാലെയാണ് എന്സിഇആര്ടിയുടെ ക്ഷമാപണം. ബന്ധപ്പെട്ട അധികാരികളുമായി ചര്ച്ച നടത്തിയ ശേഷം പാഠഭാഗം പുനഃക്രമീകരിക്കുമെന്നും എന്സിഇആര്ടി വ്യക്തമാക്കി. എന്സിഇആര്ടിയുടെ ഔദ്യോഗിക വെബ്സൈറ്റില് നിന്നും പുസ്തകം നീക്കം ചെയ്യുകയും ഹാര്ഡ് കോപ്പികളുടെ വിതരണം നിര്ത്തിവെക്കുകയും ചെയ്തതായി എൻസിഇആർടി അറിയിച്ചു.
ചില അനുചിതമായ ഭാഗങ്ങള് പാഠപുസ്തകത്തില് ഉള്പ്പെട്ടതായി ശ്രദ്ധയില്പ്പെട്ടിട്ടുണ്ടെന്ന് എന്സിഇആര്ടിയിലെ മുതിര്ന്ന ഉദ്യോഗസ്ഥന് പറഞ്ഞു. ഇന്ത്യന് ഭരണഘടനയുടെ മൂല്യം ഉയര്ത്തിപ്പിടിക്കുന്ന, മൗലികാവകാശങ്ങള് സംരക്ഷിക്കുന്ന ജുഡീഷ്യറിയെ ബഹുമാനിക്കുന്നുവെന്നും ഉദ്യോഗസ്ഥന് വ്യക്തമാക്കി.