National
ഉത്തര്പ്രദേശില് വിദ്യാര്ഥികള്ക്ക് ക്രിസ്മസ് അവധിയില്ല
ലഖ്നൗ: ഉത്തര്പ്രദേശില് വിദ്യാര്ഥികള്ക്ക് ക്രിസ്മസ് അവധിയില്ല. ക്രിസ്മസിന് സ്കൂളുകള്ക്ക് പ്രവൃത്തിദിനമായിരിക്കുമെന്ന് സര്ക്കാര് ഉത്തരവിറക്കി. മുന് പ്രധാനമന്ത്രി അടല് ബിഹാരി വാജ്പേയിയുടെ ജന്മശതാബ്ദിയോട് അനുബന്ധിച്ചുള്ള പരിപാടികള് ഈ ദിവസം സ്കൂളില് നടത്തണമെന്നാണ് സര്ക്കാറിന്റെ നിര്ദേശം. ഈ ദിനങ്ങളിൽ വിദ്യാര്ഥികളുടെ ഹാജര് നിര്ബന്ധമാണെന്നും അധികൃതര് വ്യക്തമാക്കിയിട്ടുണ്ട് . കേരളത്തിന് പുറമേ ഡല്ഹി, പഞ്ചാബ്, രാജസ്ഥാന്, ഹരിയാന, തെലങ്കാന അടക്കമുള്ള സംസ്ഥാനങ്ങളിലും ക്രിസ്മസ് അവധി പ്രഖ്യാപിച്ചിട്ടുണ്ട്. കേരളത്തില് ഡിസംബര് 24ന് അടക്കുന്ന സ്കൂളുകള് ജനുവരി അഞ്ചിനാണ് തുറക്കുക. ഹരിയാനയില് ഡിസംബര് 25-ന് മാത്രം അവധി. ജനുവരിയിലെ ശൈത്യകാല അവധി പിന്നീട് പ്രഖ്യാപിക്കും.