Keralam
പ്രൊഫ. ടി ജെ ചന്ദ്രചൂഡന് പുരസ്കാരം ഒക്ടോബര് 31 ന് ജി സുധാകരന് സമ്മാനിക്കും
തിരുവനന്തപുരം: പ്രൊഫ. ടി ജെ ചന്ദ്രചൂഡന് പുരസ്കാരം മുതിര്ന്ന സിപിഎം നേതാവ് ജി സുധാകരന് സമ്മാനിക്കും. പ്രശസ്തി പത്രവും 25000 രൂപ ക്യാഷ് അവാര്ഡും അടങ്ങുന്നതാണ് പുരസ്കാരം. ഒക്ടോബര് 31 ന് രാവിലെ 11 മണിക്ക് തിരുവനന്തപുരം പ്രസ് ക്ലബ്ബ് ഹാളില് നടക്കുന്ന പ്രൊഫ. ടി.ജെ. ചന്ദ്രചൂഡന് അനുസ്മരണം പ്രതിപക്ഷ നേതാവ് വി ഡി സതീശന് ഉദ്ഘാടനം ചെയ്യും. ചടങ്ങില് ആര്എസ്പി സംസ്ഥാന സെക്രട്ടറി ഷിബു ബേബി ജോണ് ജി സുധാകരന് അവാര്ഡ് സമ്മാനിക്കും.ആര് എസ് പി മുന് ജനറല് സെക്രട്ടറി പ്രൊഫ. ടി ജെ ചന്ദ്രചൂഡന്റെ സ്മരണക്കായി സാമൂഹിക, സാംസ്കാരിക, രാഷ്ട്രീയ രംഗത്ത് നിസ്തുലമായ സംഭാവന നല്കുന്ന പ്രതിഭകള്ക്ക് വേണ്ടി പ്രൊഫ. ടി ജെ ചന്ദ്രചൂഡന് ഫൗണ്ടേഷന് ഏര്പ്പെടുത്തിയ പുരസ്കാരത്തിനാണ് മുന് മന്ത്രി ജി സുധാകരന് അര്ഹനായത്.