പാലക്കാട് രണ്ട് പേരെ വെടിയേറ്റ് മരിച്ച നിലയില് കണ്ടെത്തി
പാലക്കാട്: കല്ലടിക്കോട് രണ്ട് പേരെ വെടിയേറ്റ് മരിച്ച നിലയില് കണ്ടെത്തി. മൂന്നേക്കര് മരുതുംകാട് സ്വദേശി ബിനു, നിതിന് എന്നിവരാണ് മരിച്ചത്. ഇരുവരും അയല്വാസികളാണ്. വൈകിട്ട് മൂന്ന് മണിയോടെയാണ് സംഭവം. മൃതദേഹത്തിന് സമീപത്ത് നിന്ന് നാടന് തോക്കും കണ്ടെടുത്തിട്ടുണ്ട്.ജിതിൻ്റെ വീട്ടിയാണ് ഇയാളുടെ മൃതദേഹം കണ്ടത്. സമീപത്തുള്ള റോഡിലാണ് ബിനുവന്റെ മൃതദേഹം കണ്ടത്. ഉച്ചയ്ക്ക് രണ്ട് മണിയോടെ നിതിൻ്റെ വീട്ടിലേക്ക് ബിനു എത്തുകയും ഇരുവരും തമ്മില് തര്ക്കമുണ്ടാവുകയായിരുന്നുവെന്നും അതിനിടെ സംഭവിച്ചതാണെന്നുമാണ് പ്രാഥമിക വിവരമെന്ന് പഞ്ചായത്ത് പ്രസിഡന്റ് പറഞ്ഞു. ജില്ലാ പൊലീസ് മേധാവി അജിത് കുമാര് സംഭവസ്ഥലത്ത് എത്തി. പ്രദേശവാസികളില് ഒരാള് ജോലി കഴിഞ്ഞു വരുമ്പോഴാണ് ബിനുവിന്റെ മൃതദേഹം കാണുന്നത്.രണ്ടുപേരും മരിച്ചത് വെടിയേറ്റാണെന്ന് ജില്ലാ പൊലീസ് മേധാവി അജിത് കുമാര് പറഞ്ഞു. ബിനു നിതിനെ വെടിവച്ചതിനുശേഷം സ്വയം ആത്മഹത്യ ചെയ്തതാകാം എന്ന് നിഗമനമെന്നും വെടിവച്ചതിന്റെ രണ്ടു മണിക്കൂര് മുമ്പ് വരെ ഇരുവരും ഒരുമിച്ച് ഉണ്ടായിരുന്നുവെന്നും അദ്ദേഹം ചൂണ്ടിക്കാട്ടി. യാഥാർത്ഥകാരണങ്ങൾ അന്യേഷിച്ചുവരികയാണെന്നും പോലീസ് അറിയിച്ചു.