72-ാമത് ദേശീയ ചലച്ചിത്ര പുരസ്കാരം പ്രഖ്യാപിച്ചു : മമ്മൂട്ടി നാലാം തവണയും മികച്ച നടൻ

ന്യുഡൽഹി : 2024 ജനുവരി 1 നും ഡിസംബർ 31 നും ഇടയിൽ സെൻട്രൽ ബോർഡ് ഓഫ് ഫിലിം സർട്ടിഫിക്കേഷൻ (CBFC) സാക്ഷ്യപ്പെടുത്തിയ സിനിമകൾക്ക് ഇന്ത്യൻ സിനിമയിലെ മികവിനെ അംഗീകരിച്ചുകൊണ്ട് (ജൂലൈ 18) വാർത്താ വിതരണ പ്രക്ഷേപണ മന്ത്രാലയം 72-ാമത് ദേശീയ ചലച്ചിത്ര അവാർഡുകൾ പ്രഖ്യാപിച്ചു.

ചന്തു ചാമ്പ്യൻ, ഭ്രമയുഗം എന്നീ ചിത്രങ്ങൾക്ക് യഥാക്രമം കാർത്തിക് ആര്യനും മമ്മൂട്ടിയും മികച്ച നടനുള്ള അവാർഡ് പങ്കിട്ടു.

ഭ്രമയുഗത്തിലെ അവിസ്മരണീയമായ പ്രകടനത്തിലൂടെ മെഗാസ്റ്റാർ മമ്മൂട്ടി മികച്ച നടനുള്ള ദേശീയ പുരസ്കാരം സ്വന്തമാക്കി. നാലാം തവണയാണ് മമ്മൂട്ടിയെ തേടി ഈ പരമോന്നത ബഹുമതി എത്തുന്നത് രാഹുൽ സദാശിവൻ സംവിധാനം ചെയ്ത ‘ഭ്രമയുഗം’ ചിത്രത്തിലെ പ്രകടനത്തിന് നേരത്തെ മികച്ച നടനുള്ള സംസ്ഥാന ചലച്ചിത്ര പുരസ്കാരവും അദ്ദേഹത്തിന് ലഭിച്ചിരുന്നു. ഫാസിൽ മുഹമ്മദ് സംവിധാനം ചെയ്ത ‘ഫെമിനിച്ചി ഫാത്തിമ’ ആണ് മികച്ച മലയാള ചിത്രമായി തിരഞ്ഞെടുക്കപ്പെട്ടത്.

പുരസ്കാര നേട്ടങ്ങൾ (മലയാളം & പ്രമുഖ വിഭാഗങ്ങൾ):

മികച്ച നടൻ: മമ്മൂട്ടി (ഭ്രമയുഗം)

മികച്ച മലയാള ചിത്രം: ഫെമിനിച്ചി ഫാത്തിമ (സംവിധാനം: ഫാസിൽ മുഹമ്മദ്)

മികച്ച ഛായാഗ്രഹണം: ഷെഹ്‌നാദ് ജലാൽ (ഭ്രമയുഗം)

മികച്ച ഗായിക: വൈക്കം വിജയലക്ഷ്മി (അങ്ങ് വാന കോണില് – എ.ആർ.എം)

മികച്ച ഹിന്ദി ചിത്രം: ശ്രീകാന്ത്

മികച്ച തമിഴ് ചിത്രം: രായൻ (സംവിധാനം: ധനുഷ്)

പ്രത്യേക പരാമർശം (നടൻ): ധനുഷ് (ക്യാപ്റ്റൻ മില്ലർ)

മികച്ച പശ്ചാത്തല സംഗീതം: ജി.വി. പ്രകാശ്കുമാർ (അമരൻ)

മികച്ച എഡിറ്റിങ്: ആർ. കലൈവാണൻ (അമരൻ)

സിനിമയുടെ എല്ലാ മേഖലകളെയും ഉൾക്കൊള്ളിച്ചുകൊണ്ട് വിവിധ ഭാഷകളിൽ നിന്നുള്ള മികച്ച ചിത്രങ്ങൾക്കും കലാകാരന്മാർക്കും പുരസ്കാരങ്ങൾ ലഭിച്ചു. സ്റ്റണ്ട് കൊറിയോഗ്രാഫി, പ്രൊഡക്ഷൻ ഡിസൈനിങ്, കൊറിയോഗ്രാഫി തുടങ്ങിയ വിഭാഗങ്ങളിലും ശ്രദ്ധേയമായ നേട്ടങ്ങൾ പുരസ്കാരപ്പട്ടികയിലുണ്ട്.