ഡിഎംകെ സഖ്യം വിടാനുള്ള എംഡികെ തീരുമാനത്തെ പരിഹസിച്ച് ബിജെപി

ചെന്നൈ: തമിഴ്നാട്ടിലെ ഡിഎംകെ സഖ്യത്തിൽ നിന്ന് പുറത്തുപോകാനുള്ള എംഡികെ തീരുമാനത്തിന് പിന്നാലെ രൂക്ഷവിമർശനവുമായി ബിജെപി. ഈ നീക്കത്തെ ‘കഴുതക്കച്ചവടം’ എന്ന് വിശേഷിപ്പിച്ച ബിജെപി നേതാവ് വിനോജ് പി. സെൽവം, വിജയ് നയിക്കുന്ന തമിഴക വെട്രി കഴകം പണവും സ്ഥാനമാനങ്ങളും നൽകി എംഎൽഎമാരെ തങ്ങളുടെ പാളയത്തിലെത്തിക്കുകയാണെന്ന് ആരോപിച്ചു. എംഎൽഎമാരെ സ്വാധീനിച്ച് പാർട്ടി വിടാൻ പ്രേരിപ്പിക്കുന്നത് ജനാധിപത്യത്തെ പരിഹസിക്കുന്നതിന് തുല്യമാണെന്ന് ബിജെപി ചൂണ്ടിക്കാട്ടുന്നു. തമിഴ്നാട് തിരഞ്ഞെടുപ്പ് രാഷ്ട്രീയത്തിൽ ടിവികെ അപകടകരമായ ഒരു കീഴ്വഴക്കം സൃഷ്ടിക്കുകയാണെന്ന് വിനോജ് പി. സെൽവം പറഞ്ഞു. ഡിഎംകെയുടെ ചിഹ്നത്തിൽ മത്സരിച്ച് വിജയിച്ച എംഡികെ നേതാവ് ദുരൈ വൈക്കോ സഖ്യം വിടാൻ തീരുമാനിച്ച സാഹചര്യത്തിൽ അദ്ദേഹം ആദ്യം എംഎൽഎ സ്ഥാനം രാജിവെക്കണമെന്ന് ബിജെപി ആവശ്യപ്പെട്ടു. സഖ്യം വിടാനുള്ള തീരുമാനത്തെ യാതൊരു വിധത്തിലും ന്യായീകരിക്കാൻ കഴിയില്ലെന്നും പാർട്ടി വ്യക്തമാക്കി.

ഡിഎംകെ സഖ്യത്തിൽ വിള്ളലുണ്ടായതോടെ തമിഴ്നാട് രാഷ്ട്രീയത്തിൽ വലിയ ചലനങ്ങളാണ് ഉണ്ടായിക്കൊണ്ടിരിക്കുന്നത്. ടിവികെ എന്ന പുതിയ രാഷ്ട്രീയ ശക്തിയുടെ വരവ് സംസ്ഥാനത്തെ വോട്ടുബാങ്കുകളെ എങ്ങനെ ബാധിക്കുമെന്നതിൽ രാഷ്ട്രീയ നിരീക്ഷകർ ആശങ്ക പ്രകടിപ്പിക്കുന്നുണ്ട്.ഡിഎംകെയുടെ ചിഹ്നത്തിൽ മത്സരിച്ച് വിജയിച്ച എംഡികെ നേതാവ് ദുരൈ വൈക്കോ  ഏഴുവർഷത്തിനുശേഷമാണ് സഖ്യം വിടാൻ തീരുമാനിക്കുന്നത്