"ജനം ആഗ്രഹിക്കുന്നത് തുടര്ഭരണം" : പിണറായി വിജയന്
കണ്ണൂര്: ഈ തെരഞ്ഞെടുപ്പ് കേരളത്തിന്റെ ഭാവി നിര്ണയിക്കുന്ന അതീവപ്രാധാന്യമുള്ള തെരഞ്ഞെടുപ്പാണെന്ന് മുഖ്യമന്ത്രി പിണറായി വിജയന്. കാരണം വികസിത കേരളത്തിലേക്ക് നല്ല ചുവടുവെച്ച് നില്ക്കുകയാണ്. ഒരുപാട് നേട്ടങ്ങള് എല്ലാ മേഖലയിലും കൈാവരിക്കാന് സാധിച്ചു. അത് തുടരണം. വികസനത്തിന് ഇടവേള ഉണ്ടാവരുത്. ജനങ്ങള് പൊതുവേ ആഗ്രഹിക്കുന്നത് വികസന തുടര്ച്ചയ്ക്ക് എല്ഡിഎഫ് അധികാരത്തില് വരണമെന്നാണെന്നും മുഖ്യമന്ത്രി പറഞ്ഞു. ആര് സി അമല സ്കൂളില് വോട്ട് രേഖപ്പെടുത്തിയ ശേഷം മാധ്യമങ്ങളെ കാണുകയായിരുന്നു മുഖ്യമന്ത്രി.'നാടിന് വികസനം വേണം. നാടിന് പുരോഗതി വേണം. ജനത്തിന് അറിയാം എല്ഡിഎഫിന് മാത്രമേ നാടിന്റെ പുരോഗതി മുന്നോട്ടു കൊണ്ടുപോകാന് കഴിയുകയുള്ളൂ എന്ന്. എതിര്ക്കുന്നവര് ഉള്പ്പെടെ ആഗ്രഹിക്കുന്നത് വികസനമാണ്. കേരളം രാജ്യത്ത് ഏറ്റവും അഴിമതി കുറഞ്ഞ സംസ്ഥാനമാണ്. ജനം ഒരു സംശയവുമില്ലാതെ പറയും എല്ഡിഎഫിന്റെ സംസ്കാരം കൊണ്ടാണ് ഇത് നേടിയത് എന്ന്. ഇത് മറ്റെതെങ്കിലും കൂട്ടര്ക്ക് കഴിയില്ല എന്നും ജനം കാണുകയാണ്. 2021ല് ലഭിച്ചതിനേക്കാള് കൂടുതല് സീറ്റ് ഇത്തവണ എല്ഡിഎഫിന് ലഭിക്കും. ജനങ്ങള്ക്കൊപ്പമാണ് ഞങ്ങള്. ഞങ്ങള്ക്കൊപ്പമാണ് ജനം. വികസിത കേരളം സാധ്യമാകുന്ന പദ്ധതികളുമായി മുന്നോട്ടുനീങ്ങുന്നതിന് എല്ഡിഎഫ് വരണമെന്നാണ് ജനം ആഗ്രഹിക്കുന്നത്. വര്ഗീയ നീക്കങ്ങള് കൊണ്ട് ആളുകളെ സ്വാധീനിക്കാന് സാധിക്കില്ല.' - പിണറായി പറഞ്ഞു.
മുഖ്യമന്ത്രിയും ധർമ്മടം മണ്ഡലം എൽ ഡി എഫ് സ്ഥാനാർത്ഥിയുമായ പിണറായി വിജയൻ ആർ സി അമല സ്കൂളിൽ സമ്മതിദാന അവകാശം രേഖപ്പെടുത്തി. ഇന്ന് രാവിലെ എട്ടുമണിയോടെയാണ് എൽ ഡി എഫ് നേതാക്കളായ സിഎൻ ചന്ദ്രൻ , കെ.കെ രാഗേഷ്, പി ശശി തുടങ്ങിയവരോടൊപ്പം മുഖ്യമന്ത്രി വോട്ടു രേഖപെടുത്താനെത്തിയത്.
"നൂറിലധികം സീറ്റ് നേടുo "
തെരഞ്ഞെടുപ്പിൽ നൂറിലധികം സീറ്റ് നേടി യുഡിഎഫ് അധികാരത്തിൽ വരുമെന്ന് പ്രതിപക്ഷ നേതാവ് വി ഡി സതീശൻ
"കേരളത്തില് ഇത്തവണ സര്പ്രൈസ് ഉണ്ടാകുo "
കേരളത്തില് ഇത്തവണ സര്പ്രൈസ് ഉണ്ടാകുമെന്ന് കേന്ദ്രമന്ത്രി സുരേഷ് ഗോപി. നിയമസഭ തെരഞ്ഞെടുപ്പ് ഫലം വരുമ്പോള് കേരളത്തില് വലിയ അത്ഭുതങ്ങള് സംഭവിക്കും. കേരളത്തിന്റെ രാഷ്ട്രീയ ഭൂപടത്തില് ബിജെപി നിര്ണായക ശക്തിയായി മാറുന്ന കാഴ്ചയാകും കാണാന് സാധിക്കുകയെന്നും സുരേഷ് ഗോപി പറഞ്ഞു.
"ജനാധിപത്യം വിജയിക്കട്ടെ"
ഭരണമാറ്റം വേണ്ടെന്നോ, വേണമെന്നോ തങ്ങള് പറയുന്നില്ലെന്ന് എന്എസ്എസ് ജനറല് സെക്രട്ടറി ജി സുകുമാരന് നായര്. ശബരിമല സ്വര്ണക്കൊള്ളയില് സര്ക്കാരും കോടതിയും കാര്യങ്ങള് അന്വേഷിക്കുന്നുണ്ട്. ഏതെങ്കിലും മുന്നണിക്ക് അനുകൂലമായ തരംഗമുണ്ടോ എന്നും പറയാനില്ലെന്നും സുകുമാരന് നായര് പറഞ്ഞു.
"യുഡിഎഫ് വിജയിക്കുമെന്ന് പി കെ കുഞ്ഞാലിക്കുട്ടി"
എല്ലായിടത്തും നല്ല മത്സരമാണെന്ന് പി കെ കുഞ്ഞാലിക്കുട്ടി. ബഹുഭൂരിപക്ഷം സീറ്റുകളും ലീഗ് നേടും. യുഡിഎഫ് വിജയിക്കുമെന്നും അദ്ദേഹം പറഞ്ഞു.