പ്ലസ് ടു, വൊക്കേഷണൽ ഹയർസെക്കൻഡറി പരീക്ഷാ ഫലം പ്രഖ്യാപിച്ചു :വിജയശതമാനം 77.97, വിഎച്ച്എസ്ഇ - 72.28
തിരുവനന്തപുരം: പ്ലസ്ടു പരീക്ഷാ ഫലം പ്രഖ്യാപിച്ചു . സെക്രട്ടേറിയറ്റിലെ പിആർഡി ചേംബറിൽ നടക്കുന്ന വാർത്ത സമ്മേളനത്തിൽ വിദ്യാഭ്യാസ മന്ത്രി എൻ ഷംസുദ്ദീൻ ആണ് ഫലം പ്രഖ്യാപിച്ചത് .ഹയർസെക്കന്ററിയിൽ വിജയശതമാനം 77.97.വിഎച്ച്എസ്ഇയിൽ വിജയശതമാനം 72.28.
ഈ വർഷം ഹയർസെക്കൻഡറി വിഭാഗത്തിൽ 4.52 ലക്ഷം വിദ്യാർഥികളും വൊക്കേഷണൽ ഹയർസെക്കൻഡറി വിഭാഗത്തിൽ 26,826 വിദ്യാർഥികളുമാണ് പരീക്ഷയെഴുതിയത്. മാർച്ച് ആറ് മുതൽ 26 വരെയാണ് ഹയർസെക്കൻഡറി പരീക്ഷ നടന്നത്. ജൂൺ 29 മുതൽ ജുലൈ മൂന്ന് വരെ സേ പരീക്ഷ നടത്തും. 290398 പേർ പരീക്ഷയിൽ യോഗ്യത നേടി. കഴിഞ്ഞ വർഷം ഹയർസെക്കൻഡറി പരീക്ഷയിൽ 77.81 ശതമാനവും വിഎച്ച്എസ്ഇയിൽ 70.06 ശതമാനവും വിജയശതമാനമായിരുന്നു. മുന്വര്ഷത്തേക്കാള് വിജയശതമാനത്തില് നേരിയ വര്ധനയുണ്ട്.വിജയശതമാനം ഏറ്റവും കുടുതല് ഇടുക്കിയും കുറവ് കാസര്കോടുമാണ്. നൂറ് ശതമാനം വിജയം കരസ്ഥമാക്കിയത് 76 എണ്ണമാണ്. ഇതില് ഒന്പത് എണ്ണം സര്ക്കാര് സ്കൂള് ആണ്. 30 അണ് എയ്ഡഡ് സ്കൂളും ഉള്പ്പെടുന്നു.
സയൻസ് ഗ്രൂപ്പ് - 84.55 ശതമാനം, ഹ്യുമാനിറ്റിസ്- 66.38 ശതമാനം, കൊമേഴ്സ് - 74.74 ശതമാനം എന്നിവയാണ് വിജയ ശതമാനം. സർക്കാർ സ്കൂൾ വിജയശതമാനം 72.66 ആണ്. എയ്ഡഡ് സ്കൂളുകളുടെ വിജയശതമാനം 82.82 ആണ്. 78.18 ശതമാനമാണ് അൺ എയ്ഡഡ് സ്കൂളുകളുടെ വിജയം. 85.67 ശതമാനം ആണ് സ്പെഷ്യൽ സ്കൂൾ വിജയം. 30561 വിദ്യാർത്ഥികൾ ഫുൾ എ പ്ലസ് നേടി. കഴിഞ്ഞവർഷത്തേക്കാൾ കൂടുതൽ ആണിത്.
എയഡഡ് സ്കൂളുകളില് 82.82% വും അണ് എയ്ഡഡ് സ്കൂളുകളില് 78.18%വും ആണ് വിജയശതമാനം. സ്പെഷ്യല് സ്കൂളുകളില് 85.67 ആണ് വിജയശതമാനം. എല്ലാ വിഷയങ്ങള്ക്കും എ പ്ലസ് നേടിയത് 30561 പേരാണ്. ടെക്നിക്കല് ഹയര്സെക്കണ്ടറി സ്കൂളില് 1523 വിദ്യാര്ത്ഥികള് പരീക്ഷ എഴുതിയപ്പോള് ഉപരിപഠനത്തിന് 1109 പേര് അര്ഹരായി, 78.82 ശതമാനം ആണ് വിജയം.
അതേസമയം സംസ്ഥാനത്തെ ഹയര് സെക്കന്ഡറി, വൊക്കേഷണല് ഹയര് സെക്കന്ഡറി ഒന്നാം വര്ഷ പ്രവേശനത്തിന് ജൂണ് മൂന്ന് വരെ ഓണ്ലൈനായി അപേക്ഷിക്കാവുന്നതാണ്. ഏകജാലക സംവിധാനത്തിലാണ് പ്രവേശനം. ജൂണ് ആറിന് ട്രയല് അലോട്ട്മെന്റും 15ന് ഒന്നാം അലോട്ട്മെന്റും പ്രസിദ്ധീകരിക്കും. മുഖ്യഘട്ടത്തില് ഒന്ന്, രണ്ട്, മൂന്ന് അലോട്ട്മെന്റുകളാണ് ഉണ്ടാകുക.
വെബ്സൈറ്റുകളിലും മൊബൈൽ ആപ്ലിക്കേഷനുകളിലും ഫലം ലഭ്യമാകും. കേരള സർക്കാരിന്റെ വിവിധ സേവനങ്ങൾ നൽകുന്ന nammudekeralam.kerala.gov.in സൈറ്റിലൂടെയും മൊബൈൽ ആപ്ലിക്കേഷൻ വഴിയും കൂടാതെ വാട്ട്സ് ആപ്പിലൂടെയും പരീക്ഷ ഫലം അറിയാം.
ഫലം അറിയാവുന്ന വെബ്സൈറ്റുകൾ
www.results.kite.kerala.gov.in
മൊബൈൽആപ്പുകൾ: SAPHALAM 2026, iExaMS-Kerala