പയ്യന്നൂരിൽ കാർ കത്തിച്ച സംഭവത്തിൽ രണ്ട് സിപിഐഎം പ്രവർത്തകർ അറസ്റ്റിൽ

കണ്ണൂർ :പയ്യന്നൂരിലെ സ്വതന്ത്ര സ്ഥാനാർഥി വി കുഞ്ഞികൃഷ്ണനെ പിന്തുണച്ച ടി പുരുഷോത്തമന്റെ വീടാക്രമിച്ച് കാർ  കത്തിച്ച സംഭവത്തിൽ രണ്ട് സിപിഐഎം പ്രവർത്തകർ അറസ്റ്റിൽ. സുധീഷ്, അജയ് കൃഷ്ണ എന്നിവരെയാണ് അറസ്റ്റ് ചെയ്തത്. ഇന്ന്  വൈകീട്ടോടെയാണ് ഇവരെ അറസ്റ്റ് ചെയ്തത്. പയ്യന്നൂർ ഡിവൈഎഫ്‌ഐയുടെ വെസ്റ്റ് മേഖല പ്രസിഡന്റാണ് സുധീഷ്. ഇന്നലെ അർധരാത്രി 12.30ഓടെ എത്തിയ സംഘം വീടിന് മുന്നിൽ നിർത്തിയിട്ടിരുന്ന കാറിന് തീയിടുകയായിരുന്നു. വീടിന്റെ ജനൽ ചില്ലുകളും സംഘം എറിഞ്ഞു തകർത്തു.സിപിഐഎം പ്രവർത്തകരാണ് ആക്രമണം നടത്തിയതെന്ന് പുരുഷോത്തമൻ ആരോപണം ഉന്നയിച്ചിരുന്നു.  പുരുഷോത്തമനെ നേരത്തെ പാർട്ടിയിൽ നിന്ന് പുറത്താക്കിയിരുന്നു.

https://www.worldm.news/keralam/attack-on-v-kunhikrishnan--24481

സിപിഎം പയ്യന്നൂർ ഏരിയ സെക്രട്ടറി  അഡ്വ.സന്തോഷ്‌കുമാർ പയ്യന്നൂരിലെ അക്രമസംഭവങ്ങളിൽ  സിപിഎമ്മിന് പങ്കില്ല എന്ന് പരസ്യപ്രസ്താവന നടത്തിയതിന് പിന്നാലെയാണ് സിപിഎം പ്രവർത്തകരായ രണ്ടുപേരെ സംഭവുമായി ബന്ധപ്പെട്ട് അറസ്റ്റുചെയ്യുന്നത് .