പുനരുദ്ധാരണ പദ്ധതിയുടെ ഭാഗമായി മുംബൈ നഗരസഭ,വിക്രോളിയിലെ പഴയകെട്ടിടങ്ങൾ പൊളിച്ചുമാറ്റുന്നു

മുംബൈ :വിക്രോളിയിൽ സി-1 വിഭാഗത്തിലായി തരംതിരിച്ചിരിക്കുന്ന ഉയർന്ന അപകടസാധ്യതയുള്ള 28 കെട്ടിടങ്ങൾ പുനരുദ്ധാരണ പദ്ധതിയുടെ ഭാഗമായി പൊളിച്ച് നിർമ്മിക്കും. ആദ്യത്തെ പുനർവികസന പദ്ധതിക്ക് സൗകര്യമൊരുക്കുന്നതിനായി, ബ്രിഹൻമുംബൈ മുനിസിപ്പൽ കോർപ്പറേഷൻ (ബിഎംസി) ഇന്നലെ  മൂന്ന്  കെട്ടിടങ്ങൾ ഒഴിപ്പിച്ചു.

വിക്രോളിയിലെ പാർക്ക്‌സൈറ്റ് പ്രദേശത്ത് സ്ഥിതി ചെയ്യുന്ന 28 കെട്ടിടങ്ങൾ പുനർവികസനം ചെയ്യുന്നതിനുള്ള പദ്ധതികൾ നഗരസഭ  തയ്യാറാക്കിയിട്ടുണ്ട്. രണ്ട് ഘട്ടങ്ങളിലായി ബിഎംസി നടപ്പിലാക്കാൻ ഉദ്ദേശിക്കുന്ന ആദ്യത്തെ പുനർവികസന പദ്ധതിയാണിത്.

 ഇതിൽ ഉയർന്ന അപകടസാധ്യതയുള്ള ഒമ്പത് കെട്ടിടങ്ങൾ ഉൾപ്പെടുന്നു. പൊളിച്ചുമാറ്റാൻ പോകുന്ന മൂന്ന് കെട്ടിടങ്ങളിലായി കുറഞ്ഞത് 67 പേരെങ്കിലും താമസിച്ചിരുന്നതായി രേഖകൾ വ്യക്തമാക്കുന്നു. ഭാണ്ഡൂപ്പിലെ  ഇതര ഫ്ലാറ്റുകളിൽ ദുരിതബാധിതരായ വാടകക്കാരെ പുനരധിവസിപ്പിച്ചിട്ടുണ്ടെന്ന് ഉദ്യോഗസ്ഥർ അറിയിച്ചു.. നിലവിൽ താമസക്കാർ 280 ചതുരശ്ര അടി പ്ലാനുകളിലാണ് താമസിക്കുന്നതെങ്കിലും, പുനർവികസന പദ്ധതിയിൽ  405 ചതുരശ്ര അടി വിസ്തീർണ്ണമുള്ള ഫ്ലാറ്റുകൾ കൈമാറാനാണ് നഗരസഭ തീരുമാനിച്ചിട്ടുള്ളത്.