ക്ഷേത്രക്കുളത്തിൽ കൂട്ടുകാരോടൊപ്പം കുളിക്കാനിറങ്ങിയ പത്താംക്ലാസ് വിദ്യാർത്ഥി മുങ്ങിമരിച്ചു

പറവൂർ:  പെരുവാരാം ക്ഷേത്രക്കുളത്തിൽ കൂട്ടുകാരോടൊപ്പം കുളിക്കാനിറങ്ങിയ പത്താംക്ലാസ് വിദ്യാർത്ഥി മുങ്ങിമരിച്ചു. ഏലൂർ നോർത്ത് പാട്ടുപുരയ്ക്കൽ ക്ഷേത്രത്തിന് സമീപം തടത്തിപ്പറമ്പിൽ ലൈജു – രമ്യ ദമ്പതികളുടെ മകൻ ആദർശ് (15) ആണ് മരണപ്പെട്ടത്. ഇന്നലെ  പെരുവാരാം ക്ഷേത്രത്തിന്റെ കിഴക്കേ നടയിലുള്ള കുളത്തിലായിരുന്നു നാടിനെ നടുക്കിയ ഈ അപകടം സംഭവിച്ചത്.

പാനായിക്കുളം ലിറ്റിൽഫ്ലവർ ഹൈസ്‌കൂളിലെ പത്താംക്ലാസ് വിദ്യാർത്ഥിയാണ് ആദർശ്. താൻ ട്യൂഷൻ പഠിക്കുന്ന സ്ഥാപനം പെരുവാരാം ടർഫിൽ സംഘടിപ്പിച്ച ഫുട്‌ബോൾ ടൂർണമെന്റിൽ പങ്കെടുക്കാനാണ് ആദർശ് എത്തിയത്. മത്സരം കളിച്ച് കഴിഞ്ഞ ശേഷം കൂട്ടുകാരോടൊപ്പം വീട്ടിലേക്ക് തിരിച്ചുപോകുന്നതിനിടയിലാണ് ഇവർ പെരുവാരാം ക്ഷേത്രക്കുളത്തിൽ കുളിക്കാനായി ഇറങ്ങിയത്. ഒപ്പമുണ്ടായിരുന്ന കൂട്ടുകാരിൽ ചിലർ കുളത്തിലിറങ്ങി നീന്തിയ ശേഷം തിരികെ കരയ്ക്ക് കയറിയിരുന്നു. ഇതിനിടയിൽ ആദർശ് അപ്രതീക്ഷിതമായി വെള്ളത്തിൽ താണുപോവുകയായിരുന്നു. ആദർശ് മുങ്ങിത്താഴുന്നത് കണ്ട് കൂടെയുണ്ടായിരുന്ന സുഹൃത്തുക്കൾ രക്ഷിക്കാൻ പരമാവധി ശ്രമിച്ചെങ്കിലും പരാജയപ്പെടുകയായിരുന്നു.കുട്ടികളുടെ നിലവിളിയും ഒച്ചപ്പാടും കേട്ട് ഓടിയെത്തിയ നാട്ടുകാരും വിവരമറിഞ്ഞ് ഉടൻ തന്നെ പറവൂർ പോലീസും സ്ഥലത്തെത്തി. തുടർന്ന് ആലുവയിൽ നിന്നും എത്തിയ അന്തിമ ഫയർഫോഴ്‌സ് (അഗ്നിരക്ഷാസേന) വിഭാഗം കുളത്തിൽ നടത്തിയ വിശദമായ തിരച്ചിലിനൊടുവിലാണ് ആദർശിന്റെ മൃതദേഹം കണ്ടെടുത്തത്. മൃതദേഹം ഉടൻ തന്നെ പറവൂർ താലൂക്ക് സർക്കാർ ആശുപത്രി മോർച്ചറിയിലേക്ക് മാറ്റി.അപകടവിവരമറിഞ്ഞ് മുഖ്യമന്ത്രി വി.ഡി. സതീശൻ, പറവൂർ നഗരസഭാ അധ്യക്ഷൻ രമേഷ് ഡി. കുറുപ്പ് എന്നിവർ ആശുപത്രിയിലെത്തി മാതാപിതാക്കളെയും ബന്ധുക്കളെയും ആശ്വസിപ്പിച്ചു. ഇൻക്വസ്റ്റ് നടപടികൾക്കും പോസ്റ്റ്‌മോർട്ടത്തിനും ശേഷം മൃതദേഹം ഇന്ന് ബന്ധുക്കൾക്ക് വിട്ടുനൽകും. തുടർന്ന് വീട്ടുവളപ്പിൽ സംസ്‌കാരം നടത്തും. അതുല്യയാണ് മരണപ്പെട്ട ആദർശിൻ്റെ ഏക സഹോദരി