Keralam
രമേഷ് പിഷാരടിക്കെതിരായ പരാമര്ശത്തില് ഖേദം പ്രകടിപ്പിച്ച് മുന്മന്ത്രി ഡോ. തോമസ് ഐസക്ക്.
തിരുവനന്തപുരം: പാലക്കാട്ടെ യുഡിഎഫ് സ്ഥാനാര്ത്ഥിയും നടനുമായ രമേഷ് പിഷാരടിക്കെതിരായ പരാമര്ശത്തില് ഖേദം പ്രകടിപ്പിച്ച് മുന്മന്ത്രി ഡോ. തോമസ് ഐസക്ക്. രമേഷ് പിഷാരടിക്കെതിരെ ഉന്നയിച്ചത് രാഷ്ട്രീയ വിമര്ശനമാണ്. പലസ്തീന് വിഷയത്തിലെ പിഷാരടിയുടെ അരാഷ്ട്രീയ നിലപാടിനെയാണ് വിമര്ശിച്ചത്. കോമാളി പദപ്രയോഗത്തില് ഖേദം പ്രകടിപ്പിക്കുന്നുവെന്നും ഡോ. തോമസ് ഐസക് പറഞ്ഞു.രമേഷ് പിഷാരടിയുടെ അഭിനയമികവിനെ മോശമായി പറയാന് ഉദ്ദേശിച്ചിട്ടില്ല. രാഷ്ട്രീയ വിമര്ശനമാണ് നടത്തിയത്. മധ്യേഷ്യന് സംഘര്ഷത്തിലും, പലസ്തീന് വിഷയത്തെക്കുറിച്ചും ഞങ്ങള്ക്കും കോണ്ഗ്രസിനും നിലപാടുണ്ട്. എന്നാല്, ആ നിലപാടുകള്ക്ക് വിരുദ്ധമായുള്ള പിഷാരടിയുടെ അരാഷ്ട്രീയ നിലപാടിനെയാണ് താന് വിമര്ശിച്ചതെന്നും തോമസ് ഐസക് പറഞ്ഞു.
https://www.worldm.news/news/artists-are-the-ones-hated-by-22836