'കെയർഹോം സംഗോപിത'യുമായി കൈകോർത്ത് താനെ കൈരളി വൃന്ദാവൻ

താനെ:  'വൃന്ദാവൻ കൈരളി കൾച്ചറൽ അസോസിയേഷൻ' , സാമൂഹ്യ സേവന പ്രവർത്തനങ്ങളുടെ ഭാഗമായി,ബദലാപൂർ ഈസ്റ്റിൽ കർജത് റോഡിൽ സ്ഥിതിചെയ്യുന്ന 'സംഗോപിത' എന്ന കെയർ ഹോമിലേക്ക്  ഒരു റഫ്രിജറേറ്റർ സംഭാവനയായി നൽകി.

ശാരീരികമായും മാനസികമായും  വെല്ലുവിളികൾ നേരിടുന്ന കുട്ടികൾക്ക് ജീവിതകാലം മുഴുവൻ താമസ സൗകര്യത്തോടെ പരിപാലനം നൽകുന്ന 'ഷെൽട്ടർ ഫോർകെയർ 'പദ്ധതിയിലൂടെയാണ് സംഗോപിത പ്രവർത്തിക്കുന്നത്. ഓരോ കുട്ടിയുടെയും പരമാവധി കഴിവുകൾ വികസിപ്പിക്കുക എന്നതാണ് സ്ഥാപനത്തിൻ്റെ  ലക്ഷ്യം.2025 ഡിസംബർ 6-ന്, അസോസിയേഷൻ പ്രസിഡന്റ് എം. ആർ. സുധാകരൻ്റെയും സെക്രട്ടറി പി. കെ. രമേശൻ്റെയും നേതൃത്വത്തിൽ മാനേജിങ് കമ്മിറ്റി അംഗങ്ങളായ ഉണ്ണികൃഷ്ണൻ,ബാലകൃഷ്ണൻ, നാരായണൻ കുട്ടി നമ്പ്യാർ, മോഹൻ മേനോൻ എന്നിവർ സംഗോപിത സന്ദർശിച്ച വേളയിൽ റഫ്രിജറേറ്റർ ഔപചാരികമായി കൈമാറി. ഈ സംഭാവന കൈരളി കൾച്ചറൽ അസോസിയേഷൻ്റെ സാമൂഹ്യ പ്രതിബദ്ധതയും സമൂഹ സേവനത്തിലെ സജീവ പങ്കാളിത്തവും വ്യക്തമാക്കുന്നതാണെന്ന് അസോസിയേഷൻ ഭാരവാഹികൾ അറിയിച്ചു