"ഗുരുവിനെ അറിയാൻ "-പ്രഭാഷണമത്സരത്തിൽ അംബർനാഥ് - ബദലാപ്പൂർ യൂണിറ്റിന് ഒന്നാം സ്ഥാനം

മുംബയ്: ശ്രീനാരായണ മന്ദിരസമിതിയുടെ വനിതാ വിഭാഗത്തിൻ്റേയും സാംസ്കാരിക വിഭാഗത്തിൻ്റെയും ആഭിമുഖ്യത്തിൽ നടന്നു വരുന്ന ഗുരുവിനെ അറിയാൻ എന്ന ചരിത്ര പഠന ക്ലാസിനോടനുബന്ധിച്ചുള്ള പ്രഭാഷണ മത്സരത്തിൻ്റെ ഫൈനൽ നടത്തി. സോൺ തലത്തിൽ മത്സരിച്ച് ഒന്നും രണ്ടും സ്ഥാനങ്ങൾ കരസ്ഥമാക്കിയവരാണ് ഈ ഫൈനൽ മത്സരത്തിൽ പങ്കെടുത്തത്. ഈ മത്സരത്തിൽ അംബർനാഥ് - ബദലാപ്പൂർ യൂണിറ്റിൽ നിന്നുള്ള ആശാ സോമൻ ഒന്നാം സ്ഥാനവും സാക്കി നാക്ക യൂണിറ്റിൽ നിന്നുള്ള ജയലക്ഷ്മി സുരേഷ് രണ്ടാം സ്ഥാനവും പനവേൽ യൂണിറ്റിൽ നിന്നുള്ള നീതു പി. മൂന്നാം സ്ഥാനവും കരസ്ഥമാക്കി.

ചോദ്യോത്തര മത്സരത്തിൻ്റെ ഫൈനൽ 22 ന് ശനിയാഴ്ച രാവിലെ 10 മുതൽ  ചെമ്പൂരിൽ നടക്കും. ഈ മത്സരത്തിൽ സമിതിയുടെ എട്ടു സോണുകളിൽ നിന്നുമായി മൂന്നു ബാച്ചുകളായി മുന്നൂറോളം പേർ  പങ്കെടുക്കുമെന്ന് വനിതാ വിഭാഗം കേന്ദ്ര കമ്മറ്റി കൺവീനർ സുമാ പ്രകാശ്, സെക്രട്ടറി വിജയാ രഘുനാഥ് എന്നിവർ അറിയിച്ചു.