പടുതോൾ വാസുദേവൻ്റെ ചിത്ര പ്രദർശനം ജഹാംഗീർ ആർട്ട് ഗ്യാലറിയിൽ ഡിസംബർ 8 മുതൽ

മുംബൈ :ഡോംബിവ്‌ലിനിവാസിയും സാമൂഹ്യസാംസ്‌കാരിക പ്രവർത്തകനും എഴുത്തുകാരനും  ചിത്രകാരനുമായ പടുതോൾ വാസുദേവൻ്റെ ചിത്രപ്രദർശനം  ജഹാംഗീർ ആർട്ട് ഗ്യാലറിയിൽ  ഡിസംബർ 8ന്  തിങ്കളാഴ്ച്ച വൈകുന്നേരം 4:30ന് ആരംഭിക്കും.14-ാം തീയതി വരെ തുടരുന്ന, 'VOYAGE' എന്ന് നാമകരണം ചെയ്‌ത  പ്രദർശനത്തിൽ  പ്രകൃതിയും മനുഷ്യനും തമ്മിലുള്ള വൈകാരിക ബന്ധങ്ങളെ  അമൂർത്ത ദൃശ്യങ്ങളായിആവിഷ്‌കരിച്ച വൈവിധ്യങ്ങളായ സൃഷ്ടികളാണ്  ആസ്വാദകർക്കായിഒരുക്കുന്നത്. നിറവിന്ന്യാസങ്ങളിലൂടെ ജ്ഞാനാന്വേഷണവും അതിലേക്ക് എത്തിച്ചേരുന്ന  ആവിഷ്കാര മികവുമാണ്  പടുതോളിൻ്റെ രചനകളെ വ്യതിരിക്തമാക്കുന്നത് . ആകൃതിയുടെയും പ്രകൃതിയുടെയും വർണ്ണ വിസ്മയത്തിൻ്റെ യും നൂതനമായ ഈ  അവസ്ഥ ഒരോ  ചിത്രങ്ങളെയും വേറിട്ട  ചിന്താധരണിയിലേക്ക് കാഴ്ചക്കാരെ മാറ്റി മറിയ്ക്കുന്നു.